8 years ago
December 1, 2015
सहारा क्लब पोखराले आयोजना गर्दै आएको मोफसलको बहुचर्चित फुटबल प्रतियोगितालाई यस वर्ष आगामी माघ ५ देखि १६ गतेसम्म पोखरा रंगशालामा हुने आयोजकले जनाएको छ । अखिल नेपाल फुटबल संघले क्लबलाई उक्त समय तालिका उपलब्ध गराएको क्लबका महासचिव केशब राज बरालले जानकारी दिए । प्रतियोगितामा नेपालका ‘ए’ श्रेणीका क्लबहरु, विदेशी टिमहरु, पूर्वाञ्चल र पश्चिमाञ्चलका क्लबहरु र आयोजक […]
सहारा क्लब पोखराले आयोजना गर्दै आएको मोफसलको बहुचर्चित फुटबल प्रतियोगितालाई यस वर्ष आगामी माघ ५ देखि १६ गतेसम्म पोखरा रंगशालामा हुने आयोजकले जनाएको छ ।
अखिल नेपाल फुटबल संघले क्लबलाई उक्त समय तालिका उपलब्ध गराएको क्लबका महासचिव केशब राज बरालले जानकारी दिए ।
प्रतियोगितामा नेपालका ‘ए’ श्रेणीका क्लबहरु, विदेशी टिमहरु, पूर्वाञ्चल र पश्चिमाञ्चलका क्लबहरु र आयोजक सहारा क्लब पोखरा गरी १२ टीमको सहभागिता रहनेछ ।
‘खेलकुदको विकासमा सहकार्य गरौं, पोखरालाई खेलकुद पर्यटन सहरको रुपमा स्थापित गरौं’ भन्ने नाराका साथ हुने प्रतियोगितामा हिमश्री फुडस प्रा.लि.को उत्पादन आहा तथा रारा चाउचाउको मुख्य प्रायोजन छ । प्रतियोगितामा रेडबुलको सहस्रायोजन, माईक्रो म्याक्स मोबाइलको उपप्रायोजन, पोखरा उपमहानगर पालिकाको संयोजन रहेको छ ।
त्यस्तै, राष्ट्रिय खेलकुद परिषद, अखिल नेपाल फुटबल संघ, पश्चिमाञ्चल क्षेत्रीय खेलकुद विकास समिति, जिल्ला खेलकुद विकास समिति कास्की, एन्फा कास्की, सहारा यु.के., सहारा हङ्गकङ्ग समेतको विशेष सहयोग रहेको छ । साथै पावर्ड बाई नोभा दूध, अफिसियल वाटर ईको पानी सहयोगी संस्थाहरु सानमिगेल वियर, नमस्ते एजुकेशन, वेष्ट अफ फाइभ प्रायोजक पृथ्वी राजमार्ग बस सञ्चालक समिति पोखरा अफिसियल एयर लाइन्स बुद्ध एयर समेतको सहयोगमा प्रतियोगिता सञ्चालन हुनेछ ।
पोखरालाई स्पोर्ट हब सिटीको रुपमा विकास गर्दै नवप्रतिभावान फुटबल खेलाडीहरुलाई आफ्नो खेलकौशल प्रर्दशन गर्न उचित अवसर प्रदान गर्ने उक्त प्रतियोगिता सम्पूर्ण फुटबलप्रेमीको बहुप्रतिक्षित प्रतियोगिता हो । प्रतियोगिताबाट बचत हुने आयोजकले सहारा एकेडेमीमा खर्च गर्दैआएको छ ।
एकेडेमीमा तेसो ब्याचमा १६ जिल्लाका २६ जना प्रशिक्षार्थी आश्रित छन् । उनीहरुलाई क्लबले निःशुल्क शिक्षादिक्षा, स्वास्थ्य लगायत फुटबल प्रशिक्षण दिँदैआएको क्लब अध्यक्ष वीरभद्र आचार्यले बताए ।
पोखराको दोबिल्लामा क्लबले संचालन गर्दैआएको एकेडेमीको मुख्यश्रोत प्रतियोगिता बचत रकम भएकोले प्रतियोगिता अवधिभर बन्द, हडताल,चक्काजाम नगर्न क्लबले राजनैतिक दल, भातृ संगठन, यातयात व्यवसायी, विभिन्न संघसंगठनमा अनुरोध समेत गरेको छ ।
यसपूर्व क्याराभान गोल्ड कप २०५८ मा नेपाल पुलिस क्लब, प्रथम आहा गोल्ड कप २०५९ मा नेपाल पुलिस क्लब, द्वितिय र तृतीय आहा गोल्ड कप २०६०/२०६१ मा मनाङ्ग मस्र्याङ्गदी क्लब र चौथो आहा गोल्ड कप २०६२ मा अफ्रिकन यूनाईटेड क्लब, पाचौँ आहा गोल्ड कप २०६३मा, थ्रि स्टार क्लब, छौटौँ-सातौं-आठौं आहा गोल्ड कप २०६४/२०६५/२०६६ नेपाल पुलिस क्लब, नवौं आहा गोल्ड कप २०६७ मा थ्रि स्टार क्लब, दशौं आहा गोल्ड कप २०६८ मा मनाङ्ग मस्र्याङ्गदी क्लब, एघारौं आहा- रारा गोल्ड कप २०६९ मा थ्रिस्टार क्लब, बाह्रौं आहा- रारा गोल्ड कप २०७० मा सहारा क्लब पोखरा , प्रतियोगिताको अघिल्लो संस्करणको उपाधि थ्रिस्टार क्लबले जितेको थियो ।
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]
