8 years ago
September 8, 2017
काठमाडौं – त्रिभुवन आर्मीका फरवार्ड प्रिन्स जर्ज कार्की भाग्यमानी खेलाडीमा पर्दछन् । जसले राष्ट्रिय टोलीमा समेटिएको पहिलो खेल पटकनै ‘डेब्यू’ को अवसर पाए । मंगलबार एएफसी एसियन कप छनोटमा ताजकिस्तानविरुद्ध खेल्दै प्रिन्सले राष्ट्रिय टोलीबाट ‘डेब्यू’ गरेका हुन् । नेपालको कुनै पनि उमेर समूहमा नखेली उनी सिधै राष्ट्रिय टोलीमा छनोट हुने कम खेलाडीमा पर्दछन् ।
तस्बिरहरु: विवेक सुबेदी/ हाम्रोखेलकुद डट कम
क्लबका लागि पछिल्लो सिजन गरेको उच्च प्रदर्शनले उनका लागि राष्ट्रिय टोलीको ढोका खुलेको थियो । जसले उनलाई अरु खेलाडीले जस्तो सपना पुरा गर्न धेरै कुर्नुपरेन । छोटो समयमा राष्ट्रिय झन्डा अंकित जर्सी लगाउने अवसर जुर्यो । बन्द प्रशिक्षणमा पर्दा नै उनले भनेका थिए,‘ राष्ट्रिय टोलीबाट खेल्ने सपना छ ।’ यो साता त्यो सपना पुरा पनि भएको ।
मोफसलका पछिल्ला दुई प्रतियोगिता खेलेका प्रिन्स दुवैमा सर्वाधिक गोलकर्ता बनेका थिए । सर्लाहीमा आयोजित राजर्षी जनक कपमा पहिलो पटक आर्मीबाट खेलेका प्रिन्सले ३ खेलमा ३ गोल गर्दै टोलीलाई फाइनलसम्म पुर्याए । लगत्तै वीरगंजमा भएको विशाल स्मृति फुटबल प्रतियोगितामा पनि प्रिन्सले टोलीलाई उपाधि दिलाउन महत्वपूर्ण भूमिका खेले । त्यहाँ ३ खेलमा ४ गोल गरे । वीरगन्जको प्रतियोगिताका दौरान कप्तान भरत खवास लगायत राष्ट्रिय टोलीका खेलाडी आर्मी टोलीमा थिएनन् । राष्ट्रिय टोलीका सदस्य आर्मीका अर्का स्ट्राइकर नवयुग श्रेष्ठ भने चोटका कारण आराम गरिरहेका थिए ।
आर्मी प्रवेश अघि फुटबलमा प्रिन्सको आफ्नै कथा छ । २०६९ मा सी डिभिजन छनोट हुने गृह बनेपा ब्वाइज क्लब (बिबिसी) खेले । अर्को बर्ष फ्रेन्ड्स क्लबका लागि ए डिभिजन खेलेका प्रिन्सको त्यसपछिको यात्रा भने सेना तिर मोडियो । काभ्रेको पनौती नगरपालिका सुन्थानमा जन्मिएका प्रिन्सले आर्मीबाट फुटबल करियर अघि बढ्ला भने सायदै सोचेका थिए ।
२३ वर्षिय प्रिन्स मंसिरमा सेनाको सकेन्ड लेफ्टिनेन्टमा पास आउट भए । आफ्नो ब्याचको टपर रहेका उनले एक वर्ष भारतमा रहेर प्रशिक्षण पनि गरे । भारतीय सेनाको एकेडेमीमा रहँदा उनले फुटबल प्रशिक्षण लिने मौका पाए । नेपाल फर्केपछि उनलाई क्लबका प्रशिक्षक नवीन न्यौपानेले सोझै सिनियर टोलीमा समेटे ।
‘सर्लाहीको प्रतियोगिता खेल्ने तयारीमा थियौं । हाम्रो मुख्य स्ट्राइकर राष्ट्रिय टोलीमा थिए । वैकल्पिक स्ट्राइकरहरु पनि पूर्ण रुपमा फिट नभएकोले अरु खेलाडी छन् क भनेर सोधे,’ प्रिन्स राष्ट्रिय टोलीको प्रशिक्षणमा समेटिएपछि प्रशिक्षक न्यौपानेले हाम्रो खेलकुद डटकमसँग भनेका थिए,‘ व्यवस्थापनबाट प्रिन्सको बारे थाहा पाए । सुटिङ र सेट पिस राम्रो भएको सुने । त्यसपछि उनलाई प्रशिक्षणमा सामेल गराए । ’
न्यौपानेले सुने जस्तै प्रिन्सको सुटिङ र सेट पिस देख्दा खुसी लागेको सम्झदै उनले भने, ‘ तर टोलीमा खेल्दा केहि असहज महसुस भए जस्तो लाग्थ्यो । टोलीमा अरु स्ट्राइकर नभएकोले पनि उनलाई केहि टिप्स दिए । विस्तारै सुधार देखियो अनि सर्लाही लाग्ने निर्णय गरें । ’सर्लाहीमा पहिलो खेलमा वैकल्पिक खेलाडीको रुपमा मैदान प्रवेश गरेका प्रिन्सले २ गोल गर्दै आफुमा पर्याप्त क्षमता रहेको उदाहरण दिए । दोस्रो खेलमा पहिलो रोजाइमै परेका उनले राम्रो त खेले नै गोल पनि गरे ।
उनको मेहनतले राष्ट्रिय टोलीका प्रशिक्ष ग्यातुको कोजी पनि प्रभावित छन् । त्यसैले होला उनको मेहनतको कदर गर्दै उनले घरेलु मैदानमा ‘डेब्यू’ गराए । कोजीको नजरमा प्रिन्सले लामो समय राष्ट्रिय टोलीमा प्रभाव पार्न सक्ने आकलन गरेर हुनुपर्छ खेल सकेपछि भनेका थिए,‘प्रिन्स नयाँ खेलाडी हुन् । उनी मिहेनती छन् । आउने खेलका लागि सहज होस् भनेर घरेलु मैदामा खेलाएका हौं ।’ उनै प्रिन्ससँग हाम्रो खेलकुदका दिपेश तिमलसिनाले गरेको १२–२७ कुरा ।
१.कहिलेबाट खेल्न सुरु गर्नु भयो ?
– म सानो हुँदा देखि नै खेल्थे । ८/९ बर्षको हुँदा देखिनै गाउँमा साथीहरु सँग खेल्न थालेको थिए ।
२.पहिलो पटक पदक जित्दा कस्तो महसुस भयो ?
– हामीले स्थानीय बिबिसी क्लबबाट खेल्दा २०६८ सालमा जिल्ला लिग जितेका थियौं । म त्यो प्रतियोगिताको उत्कृष्ट खेलाडी चुनिएको थिए । एकदमै खुसी लागेको थियो।
३. फुटबल कसरी लाग्नु भयो ?
– म गाउँ बाट काठमाडौँ आएपछि कलेजमै साथीहरु सँग खेल्थे । कलेज लेभलको प्रतियोगिता पनि खेल्न थालियो । पछि सेन्ट जेभियर्समा पढ्दा हामीलाई प्रशिक्षण गराउने कोच अनिश नेपालीले तेरो सबै कुरा राम्रो छ । तैले गर्न सक्छस भनेर हौसला दिनुभयो । सँगै खेल्ने साथी भाईले पनि त अझै माथिल्लो स्तरमा खेल भन्थे । आर्मी आबद्द भएपछि झन् नियमित खेल्न थाले मलाई कलेजमा खेल्दा देखि नै एक दिन राष्ट्रिय टोलीमा पर्न सक्छु भन्ने चाही थियो ।
४. कुन फोन चलाउनु हुन्छ र फोन किन्दाको मूल्य ?
– नोट ५, बजार मूल्य ७५ हजार रुपैयाँको हाराहारीमा पर्दछ ।
५.कुन बाइक-गाडी चढ्नु हुन्छ र मूल्य ?
– बाइक र गाडी दुवै प्रयोग गर्छु । गाडी टाटाको सफारी स्ट्रोम किन्दाको मूल्य ५५ लाख रुपैयाँ पर्छ । बाइक क्रस फायर चढ्छु । मूल्य ६ लाख रुपैयाँ पर्छ ।
६.वार्षिक कति कमाउनु हुन्छ ?
– ३÷४ लाख रुपैयाँ ।
७. खेलाडी नबनेको भए के गर्नु हुन्थ्यो होला ?
– खेलाडी वा आर्मी नबनेको भए शिक्षक हुन्थे । मेरो आफ्नै स्कुल छ काभ्रेमा त्यहि पढाउथे होला ।
८.शैक्षिक योग्यता कति छ ?
– ब्याचलर सकियो । पढाईलाई अझै निरन्तरता दिन्छु ।
९.कस्तो फिल्म हेर्नुहुन्छ र पछिल्लो पटक हरेको फिल्म ?
– एक्सन र थ्रिलर फिल्म मन पर्छ । पछिल्लो पटक हेरेको विल स्मिथको सेभेन पाउन्ड्स ।
१०.सबैभन्दा मन पर्ने नायक र नायिका ?
– भिन डिजेल र जेनिफर लरेन्स ।
११. सबैभन्दा मन पर्ने गायक र गायिका ?
– एड्रियन प्रधान, गायिकामा त्यस्तो कोहि छैन ।
१२. अहिलेको दिनहरुमा सबैभन्दा धेरै पटक सुनेको गीत ?
– डेस्पासितो
१३. सिंगल हुनुहुन्छ ?
– अहिले सिंगल छु । कलेज पढ्दा लभ परेको थियो । अहिले ब्रेकअप भैसक्यो ।
१४.किताब कतिको पढ्नु हुन्छ ? पछिल्लो पटक पढेको किताब ?
– पढ्छु । आर्मी ट्रेनिङ सरु गरेपछि पढ्न थालेको हो । पछिल्लो पटक पढेको हरिवंश आचार्यको हरि बहादुर ।
१५.अहिलेसम्म कति देश पुग्नु भयो ? सबैभन्दा पुग्न इच्छा भएको देश ?
– एउटा देश पुगेको छु । अमेरिका पुग्न मन छ ।
१६. नेपालमा सबैभन्दा मनपर्ने ठाउँ ?
– पोखरा।
१७. सबैभन्दा मनपर्ने खानेकुरा ?
– ग्रिल्ड चिकेन ।
१८. खाना बनाउनु हुन्छ ? आफैले पकाएको सबैभन्दा मिठो के लाग्छ ?
– ट्रेनिङमा सिकेको खासै पकाउन आउँदैन । उसिन्न मात्र आउछ । पकाउनै राम्ररी नआउनेले के मिठो बनाउनु ।
१९. सामाजिक सञ्जाल कतिको चलाउनु हुन्छ र प्रेम प्रस्ताव कतिको आउँछ ?
– नियमित चलाउछु । प्रस्ताब आएपनि त्यसपट्टि म खासै ध्यान दिन्न । फ्लर्ट पनि गर्दिन । आर्मी जस्तो मर्यादित संगठनमा भएर होला फ्लर्ट गर्न शोभा दिदैन जस्तो लाग्छ । स्कुलमा पनि प्रिन्सिपलको छोरा भएर होला डर लाग्थ्यो ।
२०. पहिलो कमाई के गर्नु भयो ?
– ३ हजार रुपैयाँ पाएको थिए ममीलाई दिए । साह्रै खुसि हुनुभयो ।
२१. खेल जीवनमा सबैभन्दा खुसी भएको क्षण ?
– देहरादुनमा आर्मी क्याडेड ट्रेनिङमा उत्कृष्ट घोषित हुँदा र नेपालको राष्ट्रिय टोलीबाट बाट खेल्दा । नर्भस र एक्साईटेड दुवै थिए । नेपालबाट खेल्ने सपना पुरा भयो । त्यति धेरै दर्शकले मेरो नाम लिदा आफ्नो जिम्मेवारी बढेको महसुस गरे ।
२२. फुर्सदको समयमा के गर्नु हुन्छ ?
– घुम्छु, साथिहरु सँग समय बिताउँछु ।
२३. आफुले चाहेर पनि गर्न नसकेको काम ?
– खासै त्यस्तो त छैन, भर्खर त करियर सुरु हुँदैछ । साथीहरु सँग विदेश घुम्न जान मन छ त्यो पनि चाडै पुरा गर्छु होला ।
२४.राष्ट्रिय टोलीमा सबैभन्दा मिल्ने साथी र आशालाग्दो खेलाडी ?
– भर्खर त राष्ट्रिय टोलीमा परेकोले, घुममिल हुँदैछु । सबै जना राम्रो लाग्छ । आशालाग्दो खेलाडी यू १६ का कप्तान रोशन राना मगर ।
२५.मनपर्ने अन्तराष्ट्रिय टोली र खेलाडी ?
– क्लबमा रियल मड्रिड, खेलाडीमा क्रिस्टियानो रोनाल्डो
२६. तपाईको नजरमा फुटबल खेलको विकास कसरी होला ?
– नियमित फुटबल हुनपर्यो । अन्तर्राष्ट्रिय स्तरको पूर्वाधार विकास गर्नुपर्दछ । सहर क्षेत्रमा घाँसे मैदानको आश्यकता छ ।
२७.आफ्ना शुभेच्छुकहरुलाई के भन्न चाहनुहुन्छ ?
–हौसला,प्रोत्साहन र सुझावले यहाँ सम्म आइपुगेको छु । सबैले भरोसा गर्नुभएको छ । आफ्नो जिम्मेवारी पुरा गर्न प्रतिबद्ध छु ।
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
December 18, 2025
एजेन्सी – रायन चेर्की र साविन्होको गोलमा म्यानचेस्टर सिटीले ब्रेन्टफोर्डलाई २-० ले हराउँदै लिग कपको सेमिफाइनलमा स्थान बनाएको छ। खेलको ३२औँ मिनेटमा चेर्कीले सानदार गोल गर्दै सिटीलाई अग्रता दिलाए। बक्सको छेउमा बल पाएका उनले डिफेन्डरलाई छलाउँदै गोल गरे। दोस्रो हाफमा ब्रेन्टफोर्डले केही अवसर सिर्जना गरे पनि गोल गर्न सकेन। गोलकिपर जेम्स ट्राफोर्डले क्रिस्टोफर आयर र […]
December 18, 2025
एजेन्सी – किलियन एमबाप्पेले २ गोल गरेपछि रियल मड्रिडले कोपा डेल रेमा तालाभेरालाई ३-२ जित निकाल्दै अन्तिम १६ मा पुगेको छ। यो खेलमा २ गोल गरेसँगै एमबाप्पेले सन् २०२५ मा रियलका लागि ५८ गोल पूरा गरेका छन्। उनी अब क्रिस्टियानो रोनाल्डोले २०१३ मा बनाएको ५९ गोलको कीर्तिमान बराबरी गर्न मात्र १ गोल टाढा छन्। खेलको […]
