विश्व फुटबल जगतमा अन्तरष्ट्रिय गोल गर्ने सबैभन्दा युवा खेलाडी म्यान्मारका छन्, तर टप ३०मा नेपालका तिन खेलाडी पर्न सफल रहेका छन्|

सन् २०००मा म्यानमारका लागि थाईल्याण्ड विरुद्ध चौध वर्ष ९३ दिनको उमेरमा गोल गर्दै ‘अङ् क्या टुन्’ले सबैभन्दा युवा गोलकर्ताको नाम आफ्नो बनाएका थिए| युवा गोलकर्ताको सुचि हेर्दै जाने हो भने नेपालका विमल घर्ति मगरको नाम छैटौं स्थानमा रहेको छ| २०१३को साफमा पाकिस्तान विरुद्द गोल गर्दा विमलको उमेर १५ वर्ष २२० दिन मात्र थियो|

यसबाहेक, हाल नेपाली राष्ट्रिय टिमका सहायक प्रशिक्षक रहेका हरि खड्काको नाम २७औं नम्बरमा पाउन सकिन्छ| १९९५मा पाकिस्तान विरुद्ध हरिले गोल हान्दा उनको उमेर मात्र १६ वर्ष २१७ दिन थियो| उनीसंगै भरत खवासपनि पाकिस्तान विरुद्ध गरेको गोलले ३०औँ स्थानमा रहन सफल भएका छन्|  १६ वर्ष २४७दिनको उमेरमा उनले पाकिस्तान विरुद्ध २००८मा गोल गरेका थिए| हरि खड्का र निराजन रायमाझी अझै प्पानी १३ गोलका साथ नेपालका उच्च गोलकर्ता रहेका छन्| सानो उमेरमै आफ्नो कौशल देखाएका भरत खवास र विमल घर्ति मगरनपाली फुटबल समर्थकका आशाका केन्द्रविन्दु बनेका छन्|