भारतको केरालास्थित त्रिवेन्द्रम रंगशालामा हुने साफ च्याम्पियनशिप २०१५को तयारीमा रहेको राष्ट्रिय फुटबल टोलीमा अहिले २७ खेलाडी प्रशिक्षणरत छन्|
२७ खेलाडी बाँकी रहेपनि ३ जना खेलाडी भने चोटका कारण नखेल्ने लगभग पक्का भइसकेको छ| सुरुवातमा ३९ खेलाडी बोलाइएको प्रशिक्षणमा चार खेलाडी अनुपस्थित रहेका थिए| करिब तिन हप्ताको प्रशिक्षण पश्चात २७ खेलाडीमा झारिएको टोलीका तिन महत्वपूर्ण खेलाडीहरु चोटका कारण साफमा सहभागी नहुने पक्का भइसकेको छ| अर्को हप्ता अन्तिम बिस खेलाडीको छनोट हुने बेलामा यी खेलाडीहरुको उपस्थिति नहुने पक्का हुनेछ|
राष्ट्रिय टोलीका भरपर्दा फरवार्ड भारत खवास घुँडाको चोटका कारण साफमा हुने छैनन् भने मिडफिल्डर शिव श्रेष्ठ पनि घुँडाकै चोटले बाहिरिएका हुन्| राष्ट्रिय लिगमा उत्कृष्ट डिफेन्डरको उपाधि पाएका देवेन्द्र तामाङ्ग तिघ्राको चोटका कारण बाहिरिएका हुन्| अब बाँकी २४ खेलाडीमध्य २० खेलाडीमात्र साफका लागि छनोट हुनेछन|
