नेपाली राष्ट्रिय फुटबल टोलीको साफ च्याम्पियनशिपको तयारीको व्यवस्थापनप्रति मुख्य प्रशिक्षक प्याट्रिक ओजेम्स निराश देखिएका छन्|

आफ्नो सामाजिक संजाल ट्वीटर मार्फत अभिव्यक्ति व्यक्त गर्दै ओजेम्सले प्रशिक्षणको व्यवस्थापन एकदमै कम्जोर भएको जनाएका छन्| उनले हाल भइरहेको तयारीलाई राष्ट्रिय टोलीको लागि अयोग्य भएको बताएका छन्| प्रतियोगिता आउन तेह्र दिनमात्र बाँकी हुँदापनि हालसम्म राष्ट्रिय टोलीलाई बन्द प्रशिक्षणमा राखिएको छैन| प्रशिक्षक ओजेम्सले बन्द प्रशिक्षण नराखेकोमा आफु दुखित भएको औंल्याएका छन्|

युवा र अन्तराष्ट्रिय जगतमा कम अनुभव भएको टोलीले अहिलेसम्म कुनै तयारी खेल खेलेको छैन| गत संस्करणको तुलनामा यो तयारी एकदम फितलो रहेको छ| विगतका समयमा विदेशमा केहि मैत्रीपूर्ण खेल खेलिदै आएकोमा यो पाली कुनै खेल भएको छैन| ओजेम्सले कुनै पनि मैत्रीपुर्ण खेल नभएको कुरामा पनि दुख व्येक्त गरेका छन्|

यस्तो अवस्थामा पनि खेलाडीहरु आफ्नो पुरा प्रयास गरिरहेको बताए| उनिखेलाडीहरुले प्रशिक्षणको क्रममा खेलाडी हरुले गरेको मेहेनत देखेर एकदम खुसि रहेको बताए| युवा टोली भएको र सबै एकदम मेहेनती भएकोले यस टोलीले आउँदा दिनमा पनि धेरै राम्रो नतिजा ल्याउने आशा गरिएको छ|