हडर्ल्सफिल्ड (एजेन्सी) – स्वास्न्सी सिटीसँगको बराबरी पछि प्रिमियर लिगमा लगातार दुई जित हासिल गरेको टोटेनह्याम हटस्पर्सले आज हडर्ल्सफिल्डको सामना गर्दैछ ।
अघिल्लो खेलमा वेस्ट ह्यामसँग रातो कार्डको सामना गरेका सर्जे अरुयर आजको खेलमा प्रतिबन्धित रहेनेछन् । वेस्ट ह्यामसँग सहज ३–० को अग्रता लिएको स्पर्सले अरुयरको रातो कार्डसँगै २ गोल को सामना गरेको थियो । स्पर्स ६ खेलमा ३ जित र २ बराबरीसँगै अंक तालिकाको चौथो स्थानमा छ ।
त्यस्तै यसै सिजन प्रिमियर लिगमा बढुवा भएको हडर्ल्सफिल्डले सिजनमा राम्रो सुरुआत गरेको छ । नवौं स्थानमा रहेको हडर्ल्सफिल्डको २ जित र ३ बराबरीसँगै ९ अंक छ । अर्को खेलमा बोर्नमाउथले घरेलु मैदानमा लेस्टरको सामना गर्दैछ । दुवै टोलीको ६ खेलमा १ जित छ । प्रिमियर लिगका अन्य खेलमा आज स्टोक र साउथह्यामटन , वेस्ट ब्रोम र वाटफर्ड र वेस्ट ह्याम र स्वान्सी सिटी भिड्दै छन् ।
