काठमाडौं (हाम्रो खेलकुद) – ताजकिस्तानसँगको खेलकालागि नेपाली प्रशिक्षक ग्योतोकु कोजीले नँया परिक्षण गरेका छन् । यसअघिको नेपालमा भएको खेलमा नवयुग श्रेष्ठ र भरत खवासलाई अग्रपङ्क्ति सम्हाल्ने अवसर दिएका कोजीले यसपटक विमल घर्ती मगर , जर्ज प्रिन्स कार्की र भरत खवासलाई एक साथ मौका दिएका छन् ।
प्रशिक्षक कोजीले तीन सेन्टर ब्याकलाई सुरुआत गराएका छन् । अनन्त तमाङ्ग , देवेन्द्र तमाङ्ग र आदित्य चौधरीले नेपाली टोलीको रक्षापङ्क्ति सम्हाल्ने छन् । विशाल राई , रोहित चन्द , अन्जन विष्ट र सुजल श्रेष्ठलाई मिडफिल्डमा उतारेका कोजीले ३-४-३ को फर्मेसन अपनाउने छन् ।
त्यस्तै नियमित कप्तान विराज महर्जन सुरुआत नगर्दा भरतले कप्तानीको जिम्मेवारी पाएका छन् ।
नेपाली सुरुआती ११ : किरण (गोल किपर), अनन्त , देवेन्द्र , आदित्य , रोहित , विशाल , अन्जन , सुजल , विमल, जर्ज प्रिन्स , भरत
