डिसेम्बर २३ देखि भारतमा सुरु हुने साफ च्याम्पियनशिपका लागि सहभागी हुने नेपाली टोली पक्का भएको छ|
साफका लागि तयारीका रुपमा मंगलबार बंगालादेश प्रस्थान गर्ने टोलीका २० खेलाडीको नाम प्रशिक्षक ओजेम्सले हिजो प्रशिक्षण पश्चात भनेका हुन्| २७ जना बाँकी भएको अवस्थामा तिन खेलाडी चोटका कारण यसअघीनै बाहिरिएका थिए| भारत खवास, शिव श्रेष्ठ र देवेन्द्र तामांग चोटका कारण छनोट अगावै निस्किए|
हिजो भएको छनोटमा साफमा भाग लिने २० खेलाडीको नाम घोषणा गरिएको थियो| डिफेन्डर अजित भण्डारी, मिडफिल्डर राजेन्द्र रावल, विंगर टंक बस्नेत र फरवार्ड कर्ण लिम्बु टोलीमा पर्न सकेनन| एन्फाले आज दिउसो एक बजे औपचारिक रुपमा टोलीको घोषणा गर्ने कार्यक्रम रहेको छ|
सम्भावित टोली:
गोलकिपर: किरण चेम्जोङ्ग, विकेश कुथु, अमृत चौधरी
डिफेन्डर: रञ्जित धिमाल, रबिन श्रेष्ठ, जितेन्द्र कार्की, अनन्त तामांग, आदित्य चौधरी, विराज महर्जन
मिडफिल्डर: जगजित श्रेष्ठ, रोहित चन्द, हेमन गुरुङ, विक्रम लामा, बिशाल राई, योगेश गुरुङ, नविन लामा
फरवार्ड: अन्जन बिष्ट, नवयुग श्रेष्ठ, अनिल गुरुङ, बिमल घर्ति मगर
