बेल्ग्रेड (एजेन्सी) – युरोपा लिगको समूह ‘एच’ अन्तर्गत इङ्ग्लिस टोली आर्सनलले रेड स्टार बेल्ग्रेड (सर्भिना ज्भेजडा) लाई १-० ले हराएको छ । आर्सनलका लागि गोल फ्रेन्च स्ट्राइकर ओलिभर जिरुले गरेका थिए ।

तुलात्मक रुपमा आर्सनल बलियो भए पनि रेड स्टार बेल्ग्रेडले खेलभरि थुप्रै अवसर सिर्जना गरेको थियो । तर आर्सनलका गोलकिपर पिटर चेकले राम्रा बचाऊ गर्दै आर्सनललाई गोल खानबाट बचाएका थिए । घरेलु टोलीको एक प्रहार पोस्टमा लागेर पनि फर्केको थियो ।

तर ८० औं मिनेटमा मिलन रोडिचले रातो कार्ड पाएपछि १० खेलाडिमा सीमित भएको बेल्ग्रेडलाई जिरुले निराश पारिदिए । खेलको ८५ औं मिनेटमा थियो वाल्कटको पासमा ओभर-हेड किक गर्दै उनले बललाई पोस्टको दिशा दिएका थिए ।

यस जितसँगै आर्सनल ३ खेलमा ९ अंकका साथ तालिकाको शीर्ष स्थानमा रहेको छ । बेल्ग्रेड भने ४ अंकका साथ समूहको तेस्रो स्थानमा झरेको छ । अब दुई साता पछि रेड स्टार बेल्ग्रेडलाई आर्सनलले एमिरेट्समा निम्त्याउने छ ।

युरोपा लिगका अन्य खेलहरुको नतिजा:

आस्टाना ४-० माकाबि तेल अभिभ

भिल्लारियल २-२ स्लाभिया प्राग

डायनामो कियभ २-२ योङ बोयज

स्केन्डरबेउ ०-० पार्टिजान बेल्ग्रेड

होफनह्याम ३-१ इस्तानबुल बासाकसेहिर

ब्रागा ०-२ लुडोगोरेट्स राजग्राड

अष्ट्रिया वेन १-३ रिजेका

एसि मिलान ०-० एइके एथेन्स

एभरटन १-२ लियोन

एटलान्ट ३-१ एपोल्लोन लिमास्सोल

ज्लिन १-१ कोपनहेगन

सेरिफ १-१ लोकोमोटिभ मस्को

हापोएल बियर सेभा १-२ एफसिएसबि

लुगानो ३-२ भिक्टोरिया प्लेजन

बेट बोरिसोभ १-० कोलोन

मार्से २-१ भिटोरिया डे गुइमारेस

कोन्यास्पोर ०-२ साल्जबर्ग

ओस्टरसन्ड्स २-२ एथ्लेटिक बिल्बाओ

जोर्या २-१ हेर्था बर्लिन

जुल्टे वारेगेम १-१ भिटेस

निस १-३ लाजियो

भार्दार स्कोप्ये ०-६ रियल सोसिएडाड

जेनिट सेन्ट पिटर्सबर्ग ३-१ रोजेनबर्ग