योर्कशायर (एजेन्सी) – प्रिमियर लिगमा अपराजित रहेको म्यानचेस्टर युनाइटेड हडर्सफिल्डसँग २-१ ले पराजित भएको छ । हडर्सफिल्डको आश्चर्यजनक जितमा आरोन मोए र लरेन्ट डेपोएट्रेले गोल गरेका थिए ।
यस सिजन प्रिमियर लिगको सबैभन्दा सफल डिफेन्स रहेको म्यानचेस्टर युनाइटेडको रक्षापंक्ति केही फितलो देखिएको थियो । त्यसको फाइदा उठाउँदै घरेलु टोली हडर्सफिल्डले पहिलो हाफमै दुई गरेको थियो ।
आरोन मोएले खेलको २८ औँ मिनेटमा बक्स भित्रबाट गरेको प्रहार युनाइटेडका गोलकिपर डेभिड डे गेयाले रोक्ने कुनै मौकै पाएनन् । त्यसको ५ मिनेटमै जोनास लोसलको पासमा डेपोएट्रेले गोल गर्दै टोलीको अग्रता दोब्बर बनाएका थिए ।
दोस्रो हाफमा भने युनाइटेडले एक गोल फर्काएको थियो । ७८ औँ मिनेटमा रोमेलु लुकाकुको क्रसमा मार्कोस रासफोर्डले हेडिङ गोल गर्दै स्कोर २-१ बनाए पनि युनाइटेड खेलबाट अंकविहीन नै फर्किन परेको थियो ।
हारका बावजुद म्यानचेस्टर युनाइटेड अंकतालिकाको दोस्रो स्थानमा यथावत् रहेको छ । हडर्सफिल्ड भने तालिकाको दशौँ स्थानमा उक्लेको छ ।
