स्वान्सि (एजेन्सी) – इङ्ग्लिस फुटबल लिग (इएफएल) कप अन्तर्गत आज राति म्यानचेस्टर युनाइटेड स्वान्सि सिटीसँग भिड्दै छ । स्वान्सिको घरेलु मैदान लिबर्टी स्टेडियममा खेलिने यस खेल नेपाली समय अनुसार १२.३० बजे सुरु हुने छ ।

म्यानचेस्टर युनाइटेडका मुख्य दुई डिफेन्डर फिल जोन्स र एरिक बाई घाइते रहेका छन् भने रोमेलु लुकाकु, डेभिड डे गेया र निमान्या म्याटिच लगायतका सिनियर खेलाडिहरुले विश्राम पाउने सम्भावना रहेको छ ।

घरेलु टोलीका लागि भने रेनाटो सान्चेज र विल्फ्रिड बोनी घाइते रहेकाले यस खेलमा सहभागी हुने छैनन् । यस साता स्वान्सिले प्रिमियर लिगमा आर्सनलसँग खेल्दै छ त्यसैले प्रशिक्षक पल क्लेमेन्टले पनि आफ्ना केही खेलाडीलाई विश्राम दिन सक्ने छन् ।

आउने साता प्रिमियर लिगमा म्यानचेस्टर युनाइटेड टोटनह्यामसँग भिड्दै छ त्यसैले आज रातिको खेलमा प्रशिक्षक जोसे मौरिन्होले दोस्रो रोजाईका खेलाडिहरु खेलाउने सम्भावना रहेको छ । यहि साता युनाइटेड हडर्सफिल्डसँग २-१ ले हारेकाले स्वान्सिलाई यो खेल जित दर्ता गर्ने राम्रो अवसर पनि हुने छ ।

आज राति इएफएल कपका अन्य खेलहरु:

ब्रिस्टोल विरुद्ध क्रिस्टल प्यालेस – १२.३० बजे

बर्नमाउथ विरुद्ध मिडल्सब्रो – १२.३० बजे

आर्सनल विरुद्ध नर्विच – १२.३० बजे

लेस्टर विरुद्ध लिड्स – १२.३० बजे

म्यानचेस्टर सिटी विरुद्ध वुल्भ्स – १२.४५ बजे