मर्सिया (एजेन्सी) – साविक विजेता बार्सिलोनाले कोपा डेल रे को अन्तिम ३२ को पहिलो लेगको खेलमा रियल मर्सियालाई ३-० ले हराएको छ । गए राती स्टार स्ट्राइकरद्वय लियोनल मेस्सी र लुइस स्वारेजलाई विश्राम दिएको खेलमा बार्सिलोनाले तेस्रो डिभिजनको क्लबमाथि सहज जित हात पारेको हो ।
बार्सिलोनाको जितमा पाको एल्कासर, जेरार्ड डेउलोफेउ र जोसे अर्नाइज दियाजले गोल गरे । पहिलो हाफमा ४४ औं मिनेटमा एल्कासरले भ्रमणकारी टोलीलाई अग्रता दिलाएका थिए भने डेउलोफेउले ५२ औं मिनेटमा बार्साको अग्रता दोब्बर गरेका थिए । अर्नाइजले ५६ औं मिनेटमा शानदार गोल गर्दै बार्सिलोनालाई तेस्रो जित दिलाएका थिए ।
अन्य खेलहरुमा सेभिल्लाली कार्टागेनामाथि ३-० को जित हासिल गर्यो भने मालागा दोस्रो डिभिजनको नुमानसियासँग २-१ ले स्तब्ध भयो ।
