6 years ago
October 29, 2017
भद्रपुर (हाम्रो खेलकुद) – प्रथम झापा जिल्ला एकाडेमी स्तरीय नकआउट फुटबल प्रतियोगिताबाट झन्डै साढे ४ लाख रुपैयाँ बचत भएको बताइएको छ । झापाको भद्रपुरको मुनाल क्लबले सञ्चालन गरेको चन्द्रगढी फुटबल एकाडेमीले आयोजना गरेको गत महिना आयोजना गरेको प्रतियोगिताबाट ४ लाख ४६ हजार ३१ रुपैया बचत भएको प्रतियोगिता संयोजक युगलकिशोर राईले जानकारी दिएका छन् । पहिलो […]
भद्रपुर (हाम्रो खेलकुद) – प्रथम झापा जिल्ला एकाडेमी स्तरीय नकआउट फुटबल प्रतियोगिताबाट झन्डै साढे ४ लाख रुपैयाँ बचत भएको बताइएको छ । झापाको भद्रपुरको मुनाल क्लबले सञ्चालन गरेको चन्द्रगढी फुटबल एकाडेमीले आयोजना गरेको गत महिना आयोजना गरेको प्रतियोगिताबाट ४ लाख ४६ हजार ३१ रुपैया बचत भएको प्रतियोगिता संयोजक युगलकिशोर राईले जानकारी दिएका छन् ।
पहिलो प्रयासमा नै सफलता प्राप्त गरेपछि दंग परेका संयोजक राईले दोस्रो संस्करण लिग कम नकआउटका आधारमा गर्ने बताएका छन् । ‘स्थानिय खेलाडीलाई बढी भन्दा बढी मौका दिने उद्देश्यका साथ लिग कम नकआउट गर्ने योजनामा छौं, ‘उनले भने, ‘केही वर्षपछि हामी होम एन्ड अवेमा पनि पक्कै जानेछौं । त्यसले जिल्लामा कम्तीमा ३(४ महिना खेलाडी व्यस्त हुनेछन् ।’
जिल्लाका फुटबल एकेडेमी सम्मिलित पहिलो संस्करण मेची रंशगालामा गत असोज २ देखि ११ गते सञ्चालन भएको थियो । प्रतियोगितामा १२ लाख २९ हजार १ सय ४१ रुपैयाँ आम्दानी भएको बताइएको छ । प्रतियोगितामा विदेशमा रहेका नेपालीले १ लाख ५५ हजार ५ सय ५ रुपैयाँ, विभिन्न संघसंस्था र व्यक्तिगत सहयोगबाट ५ लाख ७९ हजार ९ सय ५१ रुपैयाँ आम्दानी भएको थियो ।
त्यस्तै टिकट बिक्री, पार्किङ शुल्कबाट ४ लाख ७३ हजार ५ सय ८५ रुपैया संकलन भएको संयोजक राईले बताए । बचत रकमलाई फुटबल एकाडेमीमा खर्च गरिने कोषाध्यक्ष हिम्मत पाण्डेले जानकारी दिए । चन्द्रगढी फुटबल एकाडेमीबाट उत्पादित खेलाडीको स्तरवृद्धि र एकाडेमी सञ्चालन गर्ने उदेश्यले यस प्रतियोगिताको आयोजना गरिएको पाण्डेले स्मरण गरे ।
अहिले एकेडेमीमा नगरभित्रका १ सय २० खेलाडीले प्रशिक्षण लिइरहेको बताइएको छ । खेलाडी उत्पादनको लागि आर्थिक पक्ष ठूलो चुनौती रहेको पूर्व राष्ट्रिय खेलाडी समेत रहेका राईले अनुभव छ । उनले देशकै नमुना एकाडेमीको रुपमा परिचित गराउने लक्ष्य राखिएकाृ पनि सुनाए । यसैबीच, तिहारमा देउसी भैलोबाट पनि एकेडेमीले ५० हजार रुपैयाँ बचत गरेको छ । एकेडेमीमा अहिले ५ लाख रुपैयाँ रहेको जनाइएको छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]