6 years ago
November 2, 2017
नाप्लेस (एजेन्सी) – च्याम्पियन्स लिग समूह ‘एफ’ अन्तर्गत म्यानचेस्टर सिटीले नेपोलीमाथि ४-२ को रोमाञ्चक जित दर्ता गरेको छ । यस जितमा सर्जियो अगुएरोले गोल गर्दै सिटीका सर्वाधिक गोलकर्ता पनि बने । खेलमा निकै आक्रामक सुरुवात गरेको नेपोलीले २१ औँ मिनेटमै अग्रता लिन सफल भएको थियो । ड्रायस मर्टेन्सको पासमा लोरेन्जो इन्सिन्याले शान्दार गोल गरेका थिए […]
नाप्लेस (एजेन्सी) – च्याम्पियन्स लिग समूह ‘एफ’ अन्तर्गत म्यानचेस्टर सिटीले नेपोलीमाथि ४-२ को रोमाञ्चक जित दर्ता गरेको छ । यस जितमा सर्जियो अगुएरोले गोल गर्दै सिटीका सर्वाधिक गोलकर्ता पनि बने ।
खेलमा निकै आक्रामक सुरुवात गरेको नेपोलीले २१ औँ मिनेटमै अग्रता लिन सफल भएको थियो । ड्रायस मर्टेन्सको पासमा लोरेन्जो इन्सिन्याले शान्दार गोल गरेका थिए । तर इल्के गुन्डोगनको क्रसमा डिफेन्डर निकोलास ओटामेन्डिले ३४ औँ मिनेटमा गोल गर्दै सिटीलाई खेलमा फर्काएका थिए ।
त्यस्तै दोस्रो हाफको सुरुवाती केहि मिनेटमै जोन स्टोन्सको हेडरमार्फत सिटीले खेलमा अग्रता लियो । तर लेरोय सानेको फलमा पाएको पेनाल्टीलाई फ्रेलो फिल्होले गोलमा परिणत गर्दै नेपोली खेलमा फर्केको थियो ।
नेपोलीको सो गोलको केही मिनेटमै सर्जियो अगुएरोले कान्टर-अट्याकमा गोल गर्दै सिटीलाई पुन: अग्रता दिलाए । यस गोलसँगै सर्जियो अगुएरो म्यानचेस्टर सिटीकै इतिहासमा सबैभन्दा बढि गोल गर्ने खेलाडि पनि बने । खेलको इन्जुरी समयमा रहिम स्टेर्लिङले गोल गर्दै सिटीको रोमाञ्चक जित सुनिश्चित गरेका थिए ।
४ खेलमा १२ अंक बटुल्दै सिटी समूह एफको अग्रस्थानमा छ भने ३ अंकका साथ नेपोली तेस्रोमा छ । समूहको अर्को खेलमा शाख्तार डोनेस्कले फेयेनूर्डलाई ३-१ ले हराउँदै ९ अंक बटुल्न सफल भएको छ ।
गए राति च्याम्पियन्स लिगका अन्य खेलहरुको नतिजा:
बेसिक्टास १-१ मोनाको
लिभरपुल ३-० मेरिबोर
सेभिल्ला २-१ स्पार्टाक मस्को
पोर्टो ३-१ आरबी लेपजिग
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]