6 years ago
November 2, 2017
लण्डन (एजेन्सी) – गए राति च्याम्पियन्स लिगमा टोटनह्यामसँग ३-१ को हारपश्चात साविक विजेता रियल म्याड्रिडले थुप्रै आलोचना बेहोर्नु परेको छ । त्यसैमाझ एक पत्रकारले क्रिस्टियानो रोनाल्डोलाई यस सिजनको आफ्नो फितलो प्रदर्शनप्रति अौंला उठाएपछि रोनाल्डोले आफ्नो गोलहरु गुगलमा हेर्नु भनेर बताए । रोनाल्डोले यस सिजन १२ खेलमा ८ गोल गरे पनि ला लिगामा भने ६ खेलमा […]
लण्डन (एजेन्सी) – गए राति च्याम्पियन्स लिगमा टोटनह्यामसँग ३-१ को हारपश्चात साविक विजेता रियल म्याड्रिडले थुप्रै आलोचना बेहोर्नु परेको छ । त्यसैमाझ एक पत्रकारले क्रिस्टियानो रोनाल्डोलाई यस सिजनको आफ्नो फितलो प्रदर्शनप्रति अौंला उठाएपछि रोनाल्डोले आफ्नो गोलहरु गुगलमा हेर्नु भनेर बताए ।
रोनाल्डोले यस सिजन १२ खेलमा ८ गोल गरे पनि ला लिगामा भने ६ खेलमा केवल एक गोल गरेका छन् । गए राति रोनाल्डोले एक गोल गरे पनि रियललाई हार्नबाट भने बचाउन सकेनन् । दुई खेलमा लगातार हारपश्चात रियल म्याड्रिडका प्रशिक्षक र खेलाडिले थुप्रै आलोचना बेहोरेका छन् ।
हारपश्चात पत्रकारसँग बोल्दै रोनाल्डोले भने, “राम्रो वा नराम्रो प्रदर्शन आज मान्य छैन किनभने तपाईंले गोल मात्र हेर्नु हुन्छ । म आफ्नै तथाङ्कहरुबारे बोल्दिनँ । गुगलमा गएर ‘क्रिस्टियानो रोनाल्डो गोल’ लेख्नुस्, मेरो सबै गोल भेट्नु हुन्छ ।”
रियलसँग आफ्नो अझै चार वर्ष अनुबन्ध बाँकी रहेकाले अहिले नै सम्झौतामा हस्ताक्षर गर्न नचाहेको पनि उनले बताए । २०१६/१७ को सिजनका लागि ‘फिफा द बेस्ट प्लेयर’को उपाधि जितेका रोनाल्डोको सन् २०१७ मा मात्रै भने प्रदर्शन निकै खस्केको छ ।
२०१७ मा कुल २४ खेल खेल्दै रोनाल्डोले १६ गोल गरेका छन् भने उनको प्रतिद्वन्दि लियोनल मेस्सीको ३१ खेलमा ३७ गोल रहेको छ ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्धको एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधवार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप गुआर्डिओलाले […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १–० ले पछि परेको स्थिति उल्ट्याएर अल फयामाथि ३–१ को सानदार पूनरागमन जित दर्ता गरेको हो । अल नासरको जितमा साडियो मानेले दुई तथा अब्दुलेह अल एम्रीले एक गोल गरे । अल फयाका फेसन […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]