लण्डन (एजेन्सी) – गए राति युरोपा लिगमा इङ्ग्लिस टोली आर्सनलले रेड स्टार बेलग्रेडसँग गोलरहित बराबरी खेलेको छ । यस नतिजासँगै आर्सनल ४ खेलमा दश अंक बटुल्दै युरोपा लिगको अन्तिम ३२ मा प्रवेश गरेको छ ।

घरेलु टोली आर्सनलले खेलबाट पूरा ३ अंक जित्ने अवसरहरु पाए पनि स्ट्राइकर ओलिभर जिरुड र मिडफिल्डर ज्याक विल्शेरले तिनको फाइदा उठाउन नसक्दा आर्सनलले एक अंकमै चित्त बुझाउनु पर्‍यो । यो नतिजा आर्सनललाई समूह एचबाट अन्तिम ३२ मा पुर्‍याउन भने पर्याप्त रह्यो ।

त्यस्तै अर्को इङ्ग्लिस टोलि एभर्टनको भने लियोनसँग ३-० को हार बेहोर्दै अर्को चरणमा पुग्ने आशा सकिएको छ । समूह चरणबाटै बाहिरिने टोलीहरुमा एभर्टन साथै भार्डार र माकाबि तेल अभिभ रहेका छन् ।

त्यस्तै ६ खेलमध्ये ४ खेलको समाप्ति हुँदा अन्तिम ३२ मा छनोट हुने अन्य टोलीमा डायनामो कियभ, एफसिएसबि, लाजियो र जेनिट सेन्ट पिटर्सबर्ग रहेका छन् ।

युरोपा लिगका अन्य खेलहरुको नतिजा:

माकाबि तेल अभिभ ०-१ आस्टाना

स्लाभिया प्राग ०-२ भिल्लारियल

योङ बोयज ०-१ डायनामो कियभ

पार्टिजान बेल्ग्रेड २-० स्केन्डरबेउ

इस्तानबुल बासाकसेहिर १-१ होफनह्याम

लुडोगोरेट्स राजग्राड १-१ ब्रागा

रिजेका १-४ अष्ट्रिया वेन

एइके एथेन्स ०-० एसि मिलान

लियोन ३-० एभरटन

एपोल्लोन लिमास्सोल १-१ एटलान्ट

कोपनहेगन ३-० ज्लिन

लोकोमोटिभ मस्को १-२ सेरिफ

एफसिएसबि १-१ हापोएल बियर सेभा

भिक्टोरिया प्लेजन ४-१ लुगानो

कोलोन ५-२ बेट बोरिसोभ

भिटोरिया डे गुइमारेस १-० मार्से

साल्जबर्ग ०-० कोन्यास्पोर

एथ्लेटिक बिल्बाओ १-० ओस्टरसन्ड्स

हेर्था बर्लिन २-० जोर्या

भिटेस ०-२ जुल्टे वारेगेम

लाजियो १-० निस

रियल सोसिएडाड ३-० भार्डार

रोजेनबर्ग १-१ जेनिट सेन्ट पिटर्सबर्ग