लिस्बोन (एजेन्सी)– मार्सेलका रक्षक प्याट्रिक एभ्राले युरोपा लिगको खेल अघि समर्थकसँगको घम्साघम्सीपछि रातो कार्ड पाएका छन् । पोर्चुगेली क्लब भिटोरिया डी गुमाइरेसको घरेलु मैदानमा १–० को पराजय भोग्नु अघि एभ्राले फ्यानमाथि आक्रमणको प्रयास गरेका थिए ।
खेलमा वैकल्पिक खेलाडीको रुपमा रहेका एभ्रा रातो कार्ड पाएपछि ड्रेसिइङ्ग रुममा फर्केका थिए । वार्म अपको समयमा मार्सेलको भ्रमणकारी समर्थकहरुले उनीविरुद्ध नारा लगाएपछि केहि समर्थकहरु मैदान तर्फ अघि बढेका थिए । म्यानचेस्टर युनाइटेडका पूर्व कप्तान एभ्राले विज्ञापनको बोर्ड माथिबाट लात हान्ने प्रयास गरेका थिए ।
