लिस्बोन (एजेन्सी) – रियल म्याड्रिडका स्टार स्ट्राइकर क्रिस्टियानो रोनाल्डो यसै महिना अमेरिकासँग हुने मैत्रीपूर्ण खेलका लागि पोर्चुगेली फुटबल टोलीमा समेटिएका छैनन् । नभेम्बर १० मा साउदी अरबिया र १४ मा अमेरिकासँग हुने खेलमा रोनाल्डो खेल्ने छैनन् ।

क्रिस्टियानो रोनाल्डो

पोर्चुगलका प्रशिक्षक फर्ननान्डो सिल्भाले रोनाल्डोसहित  रिकार्डो करेस्मा र नानीलाई पनि २४ खेलाडीको सूचीमा राखेनन् । ‘नियमित खेलाडी टोलीमा नपर्नुको कारण छन्‘, सिल्भाले भने,’कोहि मेरो रोजाइका कारणले भने कोहि चोटका कारणले टोलीमा परेनन् ।‘

सिल्भाका अनुसार पोर्चुगलले विश्व कपमा खेलाउने २३ खेलाडीको निर्णय गर्नुअघि सबै विकल्पको प्रयोग गर्नेछ । युरोपियन छनोट चरण अन्तर्गत समूह ‘बी‘ को विजेता हुँदै पोर्चुगलले अर्को वर्ष हुने रुस विश्व कपमा स्थान बनाएको हो ।

पोर्चुगेली टोली 

गोलकिपर : एन्थोनी लोपेज (लियोन), बेटो (गोत्जेपे), जोसे सा (पोर्टो)

डिफेन्डर : अण्टुनेस (गेटाफे) , एड्गर ली (लिली), केभिन रोडरिग्वेज (रियल सोसिड्याड), जोआ कान्सेलो (इन्टर मिलान), लुइस नेटो (फेनरबाचे), नेल्सन सेमेडो (बार्सिलोना), पेपे(बेसिक्टास), रिकार्डो फेरेईरा (ब्रागा) , रिकार्डो पेरेईरा (पोर्टो)

मिडफिल्डर : बेर्नाण्डो सिल्भा (म्यानचेसतर सिटी), ब्रुनो फर्नानडेज(स्पोर्टिङ्ग लिस्बोन), ड्यानिलो पेरेईरा (पोर्टो), जोआ मारिओ (इन्टर मिलान), मानुएल फर्नानडेज (लोकोमोटिभ), रुबेन नेभेस (वुल्भ्स)

स्ट्राइकर : आण्ड्रे सिल्भा (एसी मिलान), ब्रुमा (लेइपजिग), एडर (लोकोमोटिभ), गेल्सन मार्टिन्स (स्पोर्टिङ्ग लिस्बोन), गोन्कालो ग्युडेस (भ्यालेन्सिया), रोनी लोपेस (मोनाको)