बार्सिलोना (एजेन्सी) – स्पेनिश ला लिगामा आज राति अंक तालिकाको शीर्ष स्थानमा रहेको बार्सिलोना पाँचौंमा रहेको सेभिल्लाको सामना गर्दै छ । बार्सिलोनाको घरेलु मैदान नुक्याम्पमा खेलिने सो खेल नेपाली समय अनुसार रातिको १.३० बजे सुरु हुने छ ।
बार्सिलोनाका डिफेन्डर सेर्जि रोबर्टो चोटका कारण यस खेलमा सहभागी हुने छैनन् । त्यस्तै मिडफिल्डर आन्द्रेस इनिएस्टा र आन्द्रे गोमेस पनि चोटग्रस्त रहेका छन् । जेरार्ड डेलोफेउ र पौलिन्होले लियोनल मेस्सी र लुइस स्वारेज सम्मिलित अग्रपंक्तिलाई साथ दिने छन् ।
त्यस्तै भ्रमणीय टोलीका पनि केहि खेलाडि घाइते छन् । ड्यानियल कारिसो, निको पारेजा र जोक्विन कोरियाले यस खेल चोटका कारण गुमाउने छन् ।
बार्सिलोनाले आफ्नो पछिल्ला १७ घरेलु खेलहरुमा जित हांसिल गरेको छ भने सेभिल्लासँग पछिल्ला १२ खेलमा अपराजित रहेको छ । १० खेलमा २८ अंक जोडेको बार्सा जितका साथ अग्रसथानमा आफ्नो पकड अझ बलियो बनाउने दाउमा हुने छ ।
ला लिगामा आज खेलिने अन्य खेलहरु:
भ्यालेन्सिया विरुद्ध लेगानेस – ५.४५ बजे
डेपोर्टिभो विरुद्ध एट्लेटिको म्याड्रिड – ९ बजे
आलाभेस विरुद्ध इस्पान्योल – ११.३० बजे
