काठमाडौं (हाम्रो खेलकुद)– नेपालले एएफसी यू–१९ च्याम्पियनसिप फुटबलको अघिल्लो चरण पुग्ने सम्भावनालाई जीवित राख्न आजको खेल महत्वपूर्ण रहेको छ । कीर्गिस्तानमा जारी समूह ‘ए’ का सुरुआती दुई खेल पराजित भइसकेको नेपालले अहिले समूह समूहमा सबै भन्दा कमजोर प्रदर्शन गर्ने टोलीका रुपमा रहेको छ ।

यस्तो अवस्थामा आज संयुक्त अरब इमिरेट्स (युएई) को सामना गर्दैछ । खेल नेपाली समय अनुसार दिउँसो ४ः४५ बजे सुरु हुनेछ । आजको खेलमा हार वा बराबरीले नेपाल छनोट चरणबाट लगभग बाहिरिनेछ । समूहमा रहेका पाँच मध्ये अंक विहिन नेपाल मात्र हो । बाँकी चार युएई, ओमान, बहराइन र कीर्गिस्तानको समान ३ अंक छ । चार टोलीले समान १ खेल जितेका छन् । अन्य टोलीले २ खेल खेलिसक्दा बहराइन र युएइले १ खेल मात्र खेलेको छन् ।

पहिलो खेलमा कीर्गिस्तानसँग २–० को हार बेहोरेको नेपालले बहराइनलाई ४–० को नतिजा सुम्पेको थियो । नेपालले अन्तिम खेल कात्तिक २२ मा ओमानसँग खेल्नेछ । छनोटमा समूहको शीर्ष स्थानमा रहने टोली सोझै फाइनलमा प्रवेश गर्नेछ । छनोटमा रहेका दश समूहका विजेता र सबै समूहबाट उत्कृष्ट ५ उपविजेता र आयोजक राष्ट्रले अन्तिम चरणमा प्रतिस्पर्धा गर्नेछन् ।

यू १९ फुटबल च्याम्पियनसिप समूह ‘ए’ को अंक तालिका

देश            खेल    जित    बराबर      हार   गोलअन्तर   अंक

युएई           १        १          ०            ०         ४                ३

ओमान        २        १          ०            १        –१              ३

बहराइन      १         १         ०            ०          ४              ३

कीर्गिस्तान  २         १          ०            १        –१              ३

नेपाल         २         ०          ०            २        –६            ०