डर्टमन्ड (एजेन्सी) – जर्मन बुन्डेस लिगामा आज अंक तालिकाको पहिलोमा रहेको बायर्न म्युनिख दोस्रोमा रहेको बोरुसिया डर्टमन्डसँग भिड्दै छ । डर्टमन्डको घरेलु मैदानमा खेलिने यस खेल नेपाली समय अनुसार ११.१५ बजे सुरु हुने छ ।
घरेलु टोली बोरुसिया डर्टमन्डका लागि लुकास पिजेक र मार्को रुइस घाइते रहेका छन् भने डान एक्सेल जागाडु प्रतिबन्धित छन् । त्यस्तै मार्सेल स्मेल्जर, गोन्जालो कास्ट्रो र आन्द्रे यार्मेलेन्को विश्रामपछि टोलीमा फर्कँदै छन् ।
बायर्नका लागि पनि म्यानुयल नोया, फ्रान्क रिबेरी, थोमस मुलर, जेरोम बोयटाङ र जोसुवा किमिच लगायत खेलाडिहरु घाइते रहेका छन् ।त्यस्तै थियागो, रोबर्ट लेवान्डोस्की र म्याट हमेल्स भने यस खेलमा आगमन गर्ने छन् ।
बायर्न आफ्नो पछिल्लो ३२ मध्ये २९ अवे खेलमा अपराजित रहेको छ । यी दुई बीच खेलिएको अघिल्लो लिग खेल २-२ को बराबरीमा टुङ्गिएको थियो ।
बायर्नको १० खेलमा २३ अंक छ र डर्टमन्डको २० अंक छ । बायर्नले जितेको अवस्थामा उसले अग्रस्थानमा आफ्नो पकड अझ बलियो बनाउने छ । त्यस्तै डर्टमन्डले आज जित हात पार्न सकेमा ऊ लिगको अग्र स्थानमा पुग्ने छ ।
बुन्डेस लिगामा आज खेलिने अन्य खेलहरु:
आरबी लेपजिग विरुद्ध हान्नोभर ९६ – ८.१५ बजे
फ्राइबर्ग विरुद्ध साल्का – ८.१५ बजे
बोरुसिया ग्ल्याडब्याक विरुद्ध मेन्ज – ८.१५ बजे
असबर्ग विरुद्ध बायर लेभेरकुसेन – ८.१५ बजे
ह्यामबर्ग विरुद्ध स्टुटगर्ट – ८.१५ बजे
