न्योम (एजेन्सी) – युएफा च्याम्पियन्स लिगको अन्तिम १६ चरणको ड्र सार्वजनिक भएको छ । यस अन्तर्गत दुई उपाधि दाबेदार मानिएका टोली पेरिस सेन्ट जर्मन (पिएसजी) र रियल म्याड्रिड एक आपसमा भिड्ने छन् ।
अन्य महत्त्वपूर्ण खेलहरुमा बार्सिलोना र चेल्सी भिड्दै छन् । त्यस्तै युभेन्टस र इङ्ग्लिस क्लब टोटनह्यामको भिडन्त पनि हेर्न लायक हुने छ ।त्यस्तै अन्य इङ्ग्लिस टोलीहरुमध्ये म्यानचेस्टर युनाइटेड सेभिल्लाको सामना गर्ने छ ।
यसैगरी म्यानचेस्टर सिटी बासेलसँग भिड्ने छ भने लिभरपुलले पोर्टोको सामना गर्नु पर्ने छ । अन्य खेलमा जर्मन क्लब बायर्न म्युनिख बेकिस्टाससँग भिड्ने छ ।
यस्तै शाख्तार दोनेस्क इटालियन टोली रोमासँग प्रतिस्पर्धा गर्ने छ । अन्तिम १६ को पहिलो लेग फेब्रुवरी १३ मा खेलिने छ भने दोस्रो लेग मार्च ६ मा खेलिने छ ।
