बेलबारी (हाम्रो खेलकुद)– अग्नी रुपन्देही ११ दोस्रो मनामोहर स्मृति दुहवी गोल्ड कप फुटबल प्रतियोगिताको सेमिफाइनलमा पुगेको छ । ए डिभिजन क्लब हिमालयन शेर्पा क्लबलाई ३–० ले हराउँदै अन्तिम चारणमा पुगेको हो ।
अग्नी रुपन्देही फुटबल टोली । फाइल तस्बिर
रुपन्देही अब सेमिफाइनलमा विभागिय टोली त्रिभुवन आर्मी क्लबको सामना गर्नेछ । लक्ष्मण जिसीले ४३ औं मिनेटमा आत्मघाती गोल गरेपछि रुपन्देहीले खेलमा अग्रता बनाएको थियो । ६५ औं मिनेटमा अमर डंगोलले गोल गर्दै रुपन्देहीको अग्रतालाई दोब्बर पारे । इन्जुरी समयका पहिलो मिनेटमा कार्डिक अबाले गोल गरेपछि रुपन्देहीको जित सहज बनेको थियो ।
अबा खेलको म्यान अफ दी म्याच बने र उनले ५ हजार रुपैयाँ प्राप्त गरे । इलेभेन एरोज क्लब र मनमोहन मेमोरियल फाउन्डेसनले संयुक्त रुपमा आयोजना गरेको प्रतियोगिताको पहिलो सेमिफाइनल बुधबार लक्ष्मी हुन्डाई मनाङ मस्र्याङ्दी क्लब र चर्च ब्वाइज युनाइटेडबीच प्रतिस्पर्धा हुनेछ । प्रतियोगिताको विजेताले उपाधिसहित ४ लाख १ हजार रुपैयाँ प्राप्त गर्नेछ ।
