स्वान्सी (एजेन्सी) – स्वान्सी सिटीलाई गए राति ४–० को जितसँगै म्यानचेस्टर सिटीले प्रिमियर लिगमा नयाँ कीर्तिमान बर्नाका् छ । लिगमा लगातार १५ खेल जित्दै सिटीले आर्सनलले सन् २००२ मा बनाएको कीर्तिमानलाई तोड्दै नयाँ कीर्तिमान बनाएको हो ।
आर्सनलले २००१/२००२ मा लगातार १४ खेल जित्दै कीर्तिमान बनाएको थियो । स्वान्सीसँग खेलमा डेभिड सिल्भाले २ तथा केभिन डी ब्र्युआइन र सर्जियो अगुएरो समान १ गोल गरे । सिटीले २७ औं मिनेटमा सिल्भाको गोलमा अग्रता लिएको थियो । ३४ औं मिनेटमा डी ब्र्युआइनले गोल गर्दै अग्रता दोब्बर पारे ।
५२ औं मिनेटमा सिल्भाले व्यक्तिगत दोस्रो गोल गरे भने अगुएरोले ८५ औं मिनेटमा सिटीका लागि चौथो गोल गरे ।जितसंगै सिटीले शीर्षस्थानमा ११ अंकको अग्रता कायम बनाएको छ । सिटीको १७ खेलमा ४९ अंक छ भने दोस्रो स्थानमा रहेको म्यानचेस्टर युनाटेडको ३८ अंक छ । युनाइटेडले रोमेलु लुकाकुको गोलमा बोउर्नेमोथसँग १–० को जित हासिल गरेको हो ।
अन्य खेलमा एभर्टनले न्युक्यासललाई १–० ले, लेस्टर सिटीले साउथह्याप्टनलाई ४–१ ले र टोटेनह्यामले ब्राइटनलाई २–० ले हराया हरायो । लिभरपुल र वेस्ट ब्रोम तथा आर्सनल र वेस्ट ह्याम गोलले गोलरहित बराबरी खेले ।
