अबू धाबी (एजेन्सी) – क्रिस्टियानो रोनाल्डोले दोस्रो हाफमा गरेको एकमात्र गोलको मद्धतले रियल म्याड्रिडले ग्रिमिओलाई क्लब विश्व कपमा १-० ले हराउँदै उपाधि जित्न सफल भएको छ ।
रोनाल्डोले ५३ औं मिनेटमा फ्रि किक मार्फत गरेको गोलले रियललाई लगातार दोस्रो पटक विश्व कप जित्ने पहिलो टोली बनाएको हो । ग्रीमिओका जेल्सनले रोनाल्डोलाई फौल गरेपछि पाएको फ्री किकलाई पोर्चुगेली स्टारले गोलमा परिणत गरेका थिए । यो रोनाल्डोको क्लब विश्व कपमा सातौं तथा यसै प्रतियोगिताको फाइनलमा दोस्रो गोल हो । अघिल्लो फाइनलमा जापानी क्लब कसीमा विरुद्दको ४-२ को जितमा उनले ह्याट्रिक गरेका थिए । यो रियलको चार बर्षमा तेस्रो विश्व कप उपाधि हो ।
ब्राजिलियन क्लबले भने डिफेन्समा व्यस्त रहँदै काउन्टर एट्याक फुटबल खेलेपनि कुनै गोल गर्न सकेन । रियलले खेलमा गोल गर्ने प्रयासमा २० प्रहार गरेपनि बिपक्षी टोलीले भने एक प्रहार मात्र गर्न सफल भयो ।
आइतबार राती ९:१५ मा सच्याइएको ।
