काठमाडौं (हाम्रो खेलकुद)– नेपाली यू १५ महिला टोलीले आयोजक बंगलादेशको सामना गर्दै साफ यू–१५ महिला फुटबल प्रतियोगिताको सुरुआत गर्दैछ । खेल नेपाली समय अनुसार दिउँसो २ः१५ बजे ढाकास्थित वीरश्रेष्ठ शहिद सिपाही मोहम्मद मुस्ताफा कमल रंगशालामा हुनेछ ।
नेपाली यू १५ महिला फुटबल टोली । फाइल तस्बिर
नेपाल, बंगलादेशसँग भारत र भुटानको सहभागिता रहेको प्रतियोगितामा राउन्ड रोविन लिगपछि शीर्ष २ टोलीले फाइनल खेल्नेछन् । नेपाल टोलीकी मुख्य प्रशिक्षक गंगा गुरुङले नेपालले फाइनल सम्मको यात्रा तय गर्ने अपेक्षा गरेकी छिन् । कप्तान प्रिति राईले पनि टोलीमा राम्रो समन्वय रहेकाले जितको आशा गरिएको बताइन् । नेपालले पुष ४ गते भारत र पुस ६ गते भुटानको सामना गर्नेछ ।
नेपाली यू १५ महिला टोली
प्रिति राई (कप्तान) रिया बानु, करिना धिमाल, बितिशा राजवंशी, पुष्पा गुरुङ, सरिश्मा थापा, मनमाया बिक, खुश्मा राई, सुरक्षा सिंह, सरस्वती हमाल, अस्मिता चौधरी, मुना मगर, निकिता ठोकर, सविता रानामगर, सुष्मा जीटी, अन्जली चन्द, अस्मिता रनपाल, निकिता धमाल, सुप्रिया रजक, अस्मिता गुरुङ, झरना नगरकोटी, रोशनी धिमाल, सुस्मा तामाङ
