काठमाडौं – साफ च्यामपिएनसिपका लागि भारत पुगे देखिनै विभिन्न समस्याबाट गुज्रेको नेपाली जुझिरहेको टोलीलाई अर्को समस्या थपिएको छ ।
कमजोर व्यवस्थापनका कारण टोलीले तेस्रो पटक होटल सर्नुपरेको छ । पछिल्लो पटक शनिबार सर्दा नेपाली टोलीका खेलाडी र अफिसियल अलग अलग होटलमा बस्नु परेको श्रोतले जनायो ।
बंगलादेशबाट पुस २ मा भारतको त्रिवेन्द्रम पुगेदेखि नै टोलीले समस्या भोग्दै आएको छ । अर्को दिन त्यहाँबाट झन्डै १ घन्टाको बस यात्रामा राखिएको टोलीलाई शनिबार सारिएको हो ।त्यहाँबाट प्रशिक्षणका लागि कठिन भएको गुनासो नेपाली टोलीले गरेपनि पुनः होटल खेलाडीलाई सारिउको हो ।
प्रतियोगिताको नियमानुसार खेलाडीलाई १० कोठा (२ जनाका दरले) , ७ अफिसियल र मेडिकल टिमलाई होटल व्यवस्था गर्नुपर्नेछ । अहिले नेपाली टोलीलाई किङ्सवे, उदय समुन्द्र, होटल लिला र ताज गरि चार ठाँउमा राखिएको छ । समूह चरणको अन्तिम खेलमा नेपालले आइतबार आयोजक भारतको सामना गर्दैछ । श्रीलंकासँग पहिलो खेल १–० ले गुमाइसकेको नेपालले सेमिफाइनल पुग्न अन्तिम खेल जित्दै पर्ने बाध्यता छ ।
