बंगबंधु गोल्ड कपका लागि घोषित टोलीमा छ जना खेलाडी यु-१९ साफ च्याम्पिएनसिप विजयी टोलीका सदस्य रहेका छन्|
बालगोपाल महर्जन प्रशिक्षक रहेको टोलीमा उपेन्द्रमान सिंह गोलरक्षक प्रशिक्षक रहने छन्| महर्जन यु-१९ टोलि विजेता हुदा मुख्य प्रशिक्षक थिए भने सिंह यु-१६ टोलीका मुख्य प्रशिक्षक हुन्|
यु-१९ टोलीका कप्तान विमल घर्ति मगर, फरवार्ड अन्जन विष्ट, मिडफिल्डर तेज तामाङ्ग, सुनिल बल र कमल श्रेष्ठ टोलीमा रहेका छन्| यसबाहेक राष्ट्रिय टोलीका समेत सदस्य रहेका डिफेन्डर अनन्त तामाङ्ग पनि टोलीमा रहेका छन्| गोलरक्षक सोजित गुरुङ्ग प्रारम्भिक टोलीमा सामेल भएपनि अन्तिम २३मा भने पर्न सकेनन| अर्का मिडफिल्डर विश्वाश श्रेष्ठ भने चोटका कारण प्रशिक्षणमा सहभागी हुन सकेनन्| साफ विजेता टोलीका डिफेन्डर आकाश थापा मगर भने हिजोमात्र ब्रिटिश लाहुरे भएका छन्|
