6 years ago
January 29, 2018
पोखरा (हाम्रो खेलकुद) – नेपाल एपिएफ क्लबलाई टाई ब्रेकरमा ५-३ ले पराजित गर्दै रुस्लान थ्री स्टार क्लब १६ औं आहा-रारा गोल्ड कपको सेमिफाइनलमा स्थान बनाउन सफल भएको छ ।
तस्बिर : विवेक सुवेदी / हाम्रो खेलकुद
विमल घर्ति मगर मोहन बगानसँग आबद्ध भएपछि यस प्रतियोगितामा उपलब्ध भएनन् भने क्लब व्यवस्थापनले समयमा विदेशी खेलाडीको कागजात नवीकरण नगर्दा थ्री स्टारले विदेशी खेलाडी विना खेल्नु पर्यो ।
थ्री स्टारले १२ औं मिनेटमा पाएको कर्नर मार्फत अग्रता लिने मौका पाएको थियो । सुनिल बालको प्रहारमा एपिएफका डिफेन्डरले क्लियर गर्ने प्रयास आफ्नै क्रसबारमा लागेपछि आत्मघाती गोलबाट एपिएफ जोगिएको थियो ।
एपिएफ ३० औं मिनेटमा तोप बहादुर विष्टको ३० यार्डको प्रहारमा गोल नजिक पुगे पनि थ्री स्टारका किपर एलेनले विश्वस्तरिय बचाउ गर्दै तोप बहादुरको उतिकै उत्कृष्ट प्रहारलाई बचाए ।
दोस्रो हाफमा ७१ औं मिनेटमा थ्री स्टारका डिफेन्डर रञ्जित धिमाल र गोल किपर एलेन बीच तालमेल नमिल्दा दबावमा परेको थ्री स्टारका लागि अनन्तले क्लियर गर्दै जोगाए । ८० औं मिनेटमा नविन लामाले बाँयाबाट गरेको क्रसमा ६ यार्डबक्समा बिकु लामाले नभेटेपछि गोल हुन सकेन ।
निर्धारित समय र अतिरिक्त समयमा दुवै टोलीले गोल गर्न नसकेपछि खेलको नतिजा टाइब्रेकरमा निर्भर भएको हो । टाईब्रेकरमा एपिएफका राजेन्द्र रावलको प्रहार थ्री स्टारका किपर एलेन न्यौपानेले रोकेपछि एपिएफ प्रतियोगिताबाट बाहिरिनु पर्यो । एलेन खेलका ‘म्यान अफ द म्याच’ भए ।
एपिएफका अन्जन बिष्ट , नविन लामा र रन्जन बिष्टले टाइब्रेकरमा गोल गरे । थ्री स्टारका लागि रञ्जित धिमाल, निराजन खड्का, सुनिल बाल, बिक्रम लामा र विजय धिमालले टाइब्रेकरमा गोल गरे ।
थ्री स्टारले अब सेमिफाइनलमा बंगलादेशी क्लब उत्तर बरिन्धाराको सामना गर्नेछ ।
प्रतियोगिताको खेल तालिका र अहिलेसम्मको नतिजा हेर्नुहोस ।
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]
