बङ्गबन्धु गोल्ड कप २०१६ अन्तर्गतको पहिलो खेलमा नेपाल र मलेसियाले गोलरहित बराबरी खेलेका छन्|
मलेसियालाई प्रतिनिधित्व गरेको सुपर लिग टोली फेल्डा युनाइटेड विरुद्ध आज जेसोरमा भएको खेलमा दुवै टोलीले गोल गर्न सकेनन्| मलेसियाको राष्ट्रिय टोलीका दुई सदस्यसहित मैदानमा उत्रेको फेल्डाले तुलनात्मक रुपमा कमै आक्रमण बुन्यो|
नेपालका लागि बिमल घर्ती मगर र नवयुग श्रेष्ठले पाएको मौकाको सदुपयोग गर्न सकेका थिएनन्| फेल्डाका गोलरक्षक बाधक बनेको खेलमा दुवै टोलीले अंक बाँडेका छन्|
नेपालले अब जनवरी १२का दिन बङ्गबन्धु रंगशालामा श्रीलंकाको सामना गर्नेछ| हिजोमात्र बंगलादेशसंग ४-२को हार व्यहोरेको श्रीलंका अंक तालिकाको पुछारमा छ|
