सिमरा (हाम्रो खेलकुद) – नवौं रुस्लान सिमरा गोल्ड कप अन्तर्गत ‘विभागीय डर्बी’मा त्रिभुवन आर्मी क्लबले नेपाल एपिएफलाई ४-० ले हराउन सफल भएको छ । यस जितसँगै आर्मीले सेमिफाइनलमा स्थान सुरक्षित पारेको छ ।
तस्बिर : विवेक सुवेदी / हाम्रोखेलकुद डट कम
आर्मीका लागि जर्ज प्रिन्स कार्कीले खेलको ३७ औं मिनेटमा गोल गर्दै टोलीको गोलको खाता खोलेका थिए । त्यस्तै स्ट्राइकर नवयुग श्रेष्ठले ४७ औं मिनेटमा गोल गर्दै आर्मीको अग्रता दोब्बर बनाए । दिनेश हेम्जनले खेलको ७१ औं मिनेटमा गोल गर्दै स्कोर ३-० पारेका थिए ।
खेलको ७४ औं मिनेटमा एपिएफका रन्जन विष्ट र अन्जन विष्ट तथा आर्मीका नवयुग श्रेष्ठले खेलको अनुशासन भङ्ग गरेकाले रातो कार्ड पाएपछि मैदान छाडेका थिए ।
विपक्षीको एक खेलाडि कम भएको मौका छोप्दै जर्ज प्रिन्स कार्कीले ८२ औं मिनेटमा आफ्नो दोस्रो गोल गर्दै स्कोर ४-० बनाए र टोलीको जित सुनिश्चित गरे । आर्मीले १० खेलाडि र एपिएफले ९ खेलाडिमा खेल अन्त्य गरे ।
यस अघि मोरङ फुटबल क्लब सेमिफाइनलमा प्रवेश गरिसकेको छ । भोलिको क्वाटरफाइनल खेलमा थ्रीस्टार सुदुरपश्चिमसँग भिड्दै छ ।
