काठमाडौं (हाम्रो खेलकुद)– नेपाली राष्ट्रिय टोलीका मिडफिल्डर रोहित चन्दले तीत दिनपछि हुने इन्डोनेसियाको प्रेसिडेन्ट्स कपको फाइनलमा खेल्ने अपेक्षा राखेका छन् ।
तीघ्रामा दुःखाइका कारण कारण रोहितले सोमबार सेमिफाइनलको दोस्रो लेग गुमाएपनि पर्सिजा जाकार्ता पिएसएमएसलाई १–० ले हराउन सफल भएको थियो । समग्रमा पिएसएमएसमाथि ५–१ को जित निकाल्दै रोहितको टोलीले फाइनल यात्रा तय गरेको थियो ।
रोहित सम्मिलित टोलीले आइतबार पहिलो लेगमा ४–१ को जित निकालेको थियो । ‘अहिले ठिकै छ’ , रोहित हाम्रो खेलकेद डटकमसँग, ‘फाइनल खेल्ने सम्भावना छ ।’ प्रेसिडेन्ट्स कपको फाइनल फुब्रुअरी १७ मा हुँदैछ ।
