केहि घण्टामै सुरु हुने ब्यालोन डो’र गालामा सहभागी हुन मेसि र रोनाल्डो ज्युरीच तर्फ लागेका छन्|
आज घोषणा हुने २०१५को वर्ष खेलाडीको अन्तिम तिनमा पोर्चुगलका क्रिस्टियानो रोनाल्डो, अर्जेन्टिनाका लिओनेल मेसि र ब्राजिलका नेयमार पर्न सफल भएका छन्| फिफाले जारी गरेको २५ खेलाडी मध्य सम्पूर्ण देशका खेलाडी र प्रशिक्षकले गरेको मतका आधारमा यी तिन अन्तिम चरणमा पुगेका हुन्|
चार पटक यो उपाधि हात परिसकेका लिओनेल मेसिले नै यसपाली पनि उपाधि जित्ने दाबी धेरै प्रेस तथा पण्डितहरुले गरेका छन्| बार्सिलोनाले तिन ट्रफी जितेको सिजनमा मेसिको भूमिका ठुलो थियो, उता रोनाल्डोको टोलि रियल मड्रिड भने उपाधिबिहिन रह्यो| मेसिकै क्लबका खेलाडी नेयमार पनि सफल सिजन भएका कारण अन्तिम तिनमा परेका थिए, यद्यपी उनको उपधी जित्ने सम्भावना न्यून छ|
