पेरिस (एजेन्सी)– युरोपका मुख्य लिगमा यो सिजन अहिले सम्म सबैभन्दा बढी फाउल हानिएका खेलाडीको सुचिमा पेरिस सेन्ट जर्मन (पिएसजी) का नेयमार सबैभन्दा माथि रहेका छन् ।

२६ वर्षे ब्राजिलियन नेयमार यो सिजन अहिले सम्म ९६ पटक फाउलको शिकार भएका छन् । दोस्रो स्थानमा फ्रान्सेली क्लब लियोनका नबिल फेकीर छन् । उनीमाथि नेयमारको भन्दा ७ वटा फाउल कम छ ।

आरएमसी स्पोर्टसले युरोपेली लिगका बढी फाउल हुने खेलाडीमध्ये शीर्ष १० को नाम सार्वजनिक गरेको छ । नेयमारमा औसतमा १७ मिनेट ४६ सेकेन्डमा एकपटक फाउल हुने गरेको छ ।

नेयमारका सहकर्मी मार्को भेराटी फ्रेन्च लिगमा सर्वाधिक फाउल हुने खेलाडीको सुचिमा छैटौं नम्बरमा पर्दछन् । फाउलका वावजुद बार्सिलोनाका पूर्व खेलाडी नेयमारले फ्रेन्च लिगमा यो सिजन फिट रहदै १९ गोल गरिसकेका छन् । १९ लिग १ को खेलमा उनले अहिले सम्म १२ एसिस्ट पनि गरिसकेका छन् ।

प्रिमियर लिगमा वाटफोर्डका रिचार्लिसन सबैभन्दा बढी फाउल हुने खेलाडीमा पर्दछन् । जीरोनाका बोर्जा गार्सिया इटालीमा र स्पेनमा अलेजान्द्रो गोमेज सर्वाधिक फाउलको शिकार हुने खेलाडीमा पर्दछन् । त्यस्तै साल्काका अमिन हारिट बुन्डेसलिगामा सबैभन्दा बढी फाउलको शिकार भएको तथ्याङक छ ।

सर्वाधिक फाउल हुने खेलाडीको सुचि
नेयमार, पिएसजी
नबिल फेकिर, लियोन
बोर्जा गार्सिया, गिरोना
मुनिर, अल्भेस
रिचार्लिसन, वाटफोर्ड
अमिन हारिट, साल्के
मालकोम, बोर्डो
केभिन प्रिन्स बोएटङ, फ्रान्कफर्ट
डेले अली, टोटेनह्याम