काठमाडौं (हाम्रो खेलकुद) – नेपाली राष्ट्रिय टोलीका फरवार्ड विमल घर्ती मगरको टोली मोहन बगानले मंगलबार हिरो इन्डियन लिग (आइ लिग) सफलता हासिल गरेको छ । मोहन बगानले इन्डियन एरोजलाई २–० ले हराएको छ । यद्दपी सो खेलमा विमलले भने मौका पाएनन् ।
फाइल तस्बिर
मोहन बगानका लागि डिपान्डा डिकाले २६ औं र अक्रम मोगराबीले ४१ औं मिनेटमा गोल गरे । १० टोलीको सहभागिता रहेको आइ लिग अन्तिम चरण तिर पुग्दा विमलको टोली मोहन बगान २७ अंकसहित चौथो स्थानमा छ । मोहन बगानले यो सिजन १६ खेलमा ६ खेलमा बराबर र ३ खेलमा हार बेहोरेको छ ।
१६ खेल खेलेको नेपाली राष्ट्रिय टोलीका गोलकिपर किरण चेम्जोङको टोली मिनेर्भा ३२ अंकसहित शीर्षस्थानमा छ । १७ खेलमा निरोका ३१ अंकसहित दोस्रो र १६ खेलमा तेस्रो स्थानको इष्ट बंगालको २९ अंक छ । इन्डियन एरोज १५ अंकका साथ अंक तालिकाको पुछारमा छ ।
