काठमाडौं (हाम्रो खेलकुद) – जापान सरकारले सातदोबाटो स्थित एन्फा कम्प्लेक्समा रहेको मैदानको भौतिक पूर्वाधार स्तरोन्नतीमा लागि सहयोग गर्ने भएको छ ।
सम्झौतामा हस्ताक्षरपछि नेपालका लागि जापानी राजदुत मासासी ओगावा र एन्फा महासचिव धिरेन्द्र प्रधान (बायाँ) । विवेक सुवेदी /हाम्रो खेलकुद
जापानी दुतावास पानीपोखरीमा बुधबार आयोजित सम्झौता पत्रमा नेपालका लागि जापानी राजदुत मासासी ओगावा र अखिल नेपाल फुटबल संघ (एन्फा)का महासचिव धिरेन्द्र प्रधानले सम्झौतामा हस्ताक्षर गरेका थिए । जापान सरकारले ग्रान्ट असिस्टेन्ट फर कल्चरल ग्रासरुसट्स प्रोजेक्ट अन्तर्गत झन्डै ७४ लाख रुपैयाँ सहयोग गर्न लागेको हो ।
एन्फा महासचिव प्रधानका अनुसार सहयोग रकमबाट टेक्निकल एन्फा कम्प्लेक्समा रहेको मैदानको चेन्जिङ रुमको स्तर उन्नती, दर्शकका लागि शौचालय र टेक्निकल डाइरेक्टरका लागि कार्यालय निर्माणमा खर्च गरिने जानकारी दिए ।
