युवा फरवार्ड सुमन लामाले श्रीलंका विरुद्ध डेब्यु गरेका छन्|
नवयुग श्रेष्ठको स्थानमा ६९औं मिनेटमा मैदान प्रवेश गरेका सुमनले खेलमा खासै मुभ भने बनाउन सकेनन्| जगदम्बा लुम्बिनी क्लबबाट व्यवसायिक फुटबल खेल्ने सुमन एन्फा एकेडेमिकै उत्पादन हुन्| राष्ट्रिय लिगमा सात खेल खेलेका सुमनले छ खेल सुरुवात गरेका थिए| उमेर समुहमा पनि सुमनले नेपालको प्रतिनिधित्व गरेका छन्|
पछिल्लो समयमा संकटाबाट फुटबल खेलेका सुमनले २०७१ सालको एन्फा कपमा सर्वोत्कृष्ट खेलाडीभएवापत मोटरसाइकल पुरस्कार पाएका थिए| सुमनले आर.सी.टि क्लबबाट पनि फुटबल खेलेका छन्| आउने सिजनमा पुलिसमा आवद्ध हुन लागेका सुमनको उमेर २० वर्ष हो|
