बंगबन्धु कप अन्तर्गत समुह ‘ए’मा समान ४-४ अंक बोकेर पहिलो र दोश्रो स्थानमा रहेका नेपाल र बंगलादेश भोली ढाकामा भिड्दै छन्|
पहिलो खेलमा मलेसियाको फेल्डा युनाइटेडसंग गोलरहित बराबरी खेलेको नेपालले दोश्रो खेलमा विमल घर्ती मगरको गोलको मद्दतले श्रीलंकालाई १-०ले हराएको थियो| उता घरेलु टोली श्रीलंकाले भने पहिलो खेलमा श्रीलंकालाई ४-२ले हराएको थियो भने दोश्रो खेलमा फेल्डासंग १-१को बराबरी खेलेको थियो|
अधिकांश युवा खेलाडी सहित बंगलादेश पुगेको टोलीको प्रशिक्षकत्व बालगोपाल महर्जनले गर्दै छन्| चोटका कारण पछिल्लो खेल गुमाएका जगजित श्रेष्ठ खेल्ने नखेल्ने अन्यौल रहेको कुरा बुझ्नमा आएको छ|
जित हात पारेमा सेमिफाइनल पक्का रहेको नेपाल र बंगलादेश बिचको खेल नेपाली समय अनुसार साँझ ६:१५ बजे बंगबन्धु अन्तराष्ट्रिय रंगशाला, ढाकामा खेलिनेछ|
बंगलादेशविरुद्ध नेपालको विगत
वर्ष प्रतियोगिता नतिजा
१९८४ प्रथम साफ खेलकुद ०–५ हार समूह चरण
१९८४ प्रथम साफ खेलकुद ४–२ जित (फाइनल)
१९८६ दसौं एसियाली खेलकुद ०–१ हार
१९८७ तेस्रो साफ खेलकुद १–० जित
१९९१ पाँचौं साफ खेलकुद ०–२ हार
१९९३ छैठौं साफ खेलकुद १–० जित
१९९५ सातौं साफ खेलकुद १–२ हार
१९९५ दोस्रो सार्क गोल्डकप ०–२ हार
१९९९ दोस्रो साफ च्याम्पियनसिप १–२ हार
१९९९ आठौं साफ खेलकुद ०–१ हार (फाइनल)
२००३ तेस्रो साफ च्याम्पियनसिप ०–१ हार
२००५ चौथो साफ च्याम्पियनसिप ०–२ हार
२०११ सातौ साफ च्याम्पियनसिप १–० जित
२०१२ मैत्रीपूर्ण खेल, काठमाडौं १–१ बराबर
२०१३ एएफसी च्यालेन्ज कप ०–२ हार
२०१३ साफ च्याम्पियनसिप २–० जित
२०१५ मैत्रीपूर्ण खेल ०–१ हार
