दिपक बोहोरा ,पाँचथर
फिदिम स्पोटिङ क्लबको आयोजनमा पाँचथरको फिदिममा सञ्चालन भई रहेको सातै फागुनन्द गोल्ड कपको उपाधि कर्णसिंह सोनाम स्मृती क्लव ताप्लेजुङले कब्जा गरेको छ ।
शनिबार भएको फाइनल खेलमा डिफेन्डीङ च्यापियन आयोजक फिदिम स्पोटिङ क्लबलाई २– ० गोल अन्तरले हराउदै ताप्लेजुङले उपाधि जितेको हो । पहिलो हाफको १२ औँ मिनेटमा ताप्लेजुङका रोजीन धिमालले गोल गर्दै टिमलाई अग्रता दिलाएका थिए । पहिलो हाफमा १–० को अग्रता पाएको ताप्लेजुङले आत्माघाति गोलको उपहार पाउँदा फिदिम स्तब्ध बन्न पुग्यो । दोस्रो हाफको १३ औँ मिनेटमा गोल एरियामा खेल भईरहँदा फिदिमका खेलाडी नरेश सम्वाहाफेले गरेको हेड गोल किम्परले नदेख्दा आत्माघाति गोल भएको थियो । स्टार खेलाडिले भरीएको आयोजक फिदिम स्पोटि क्लबमा आज निकै तालमेल अभाव भएको देखिन्थीयो । इन्जुरी समयमा पाएको पेलान्टी भिक्टोरले गरेको हल्का प्रहार ताप्लेजुङका गोल किपर रवि थापाले सहजै बचाएका थिए ।
आज ताप्लेजुङका किपरले निकै राम्रो खेल प्रर्दशन गरेका थिए । आजको खेलमा दुवै टिम संग ए डिभिजन खेलेका खेलाडी हरु सहेका थिए । आयोजक संग निराजन खङका , हेम गुरुङ ,भिक्टोर ,पिटर आदि थिए भने ताप्तेजुङ संग रुपेश के.सि ,बिजय धिमाल ,रोजिन धिमाल आदि रहेका थिए । थिए विजेता ताप्लेजुङले एक लाख ११ हजार एक सय ११ रुपैयाँ नगद र ट्रफि पाएको छ । सांसद तथा कांग्रेस केन्द्रिय सदस्य भिष्मराज आङदेम्बेले विजेता टोलीलाई पुरस्कार र ट्रफि हस्तान्तरण गरेका थिए । उप– विजेता फिदिमले ५५ हजार ५ सय ५५ रुपैयाँ नगद र ट्रफिमा चित्त बुझाउनु पर्यो ।
प्रतियोगितका सर्वाधिक गोलकर्ता ताप्लेजुङका रोजीन धिमाल भए । म्यान अफ दि सिरिजको उपाधिपनि रोजिन धिमाललेनै प्राप्त गरे । वेष्ट फरवार्ड फिदिमका धिरज तामाङ, वेष्ट गोलकिपर ताप्लेजुङका रवि थापा, वेष्ट डिफेन्ण्डर ताप्लेजुङका विजय धिमाल, वेष्ट मिड फिल्डर फिदिमका पिटर सेगुन भए ।
