आर्मीलाई १-० को अन्तरले पछि पार्दै लक्ष्मी हुन्डाइ मनाङ्ग मर्श्याङ्गदि क्लब १४औं आहा! रारा कप २०७२को उपाधी जित्न सफल भएको छ  ।

पहिलो हाल्फमा मनाङ मर्श्याङ्गदिले पहिले आक्रमण गर्दै खेलमा लय पकडियो । आफिजले गरेको १०औ मिनेटको प्रहार सिधै आर्मीको गोल रक्षक सुशिल श्रीवास्तबले बचाए । त्यस्तै ३२ मिनेटमा टंक बस्नेतको क्रसमा रिजिबको प्रहार बाहिरिदा आर्मीले खेलमा अग्रता लिने मौका गुमायो  ।

जवाबी हमलामा सक्रीय रहेको मनाङले ३९ मिनेटमा आफिजको मिसमा अग्रता लिने अवसर गुमायो । आफिजले ६ यार्ड बक्स बाट फ्रेममा प्रहार नगर्दा पहिलो हाल्फ गोल रहित अन्त्य भयो ।

पहिलो हाल्फमा तुलनात्मक रुपमा  केहि कम्जोर देखिएको मनाङ दोस्रो हाल्फको सुरुवात देखी आफ्नो खेलमा सुधार देखायो । फल स्वरुप ४९ औ मिनेटमा सुबास गुरुङले क्लिनिकल फिनिस गर्दै मनाङलाई आग्रता दिलाए, सुबास गुरुङको दोस्रो हाल्फको गोल नै निर्णायक साबित भयो ।

१ गोलले पछी परेको आर्मीले खेलमा फर्किन एक पछी अर्को प्रयास गर्‍यो ।६४औ मिनेटमा टंक बस्नेतले गरेको लामो प्रहार केहि परबाट मात्र बहिरियो ।  त्यस्तै दिप लामाले ६८औ मिनेटमा गरेको चिप सट किरणले पन्च गर्दै गोल बाट बचाए ।

मनाङ्ले भने काउन्टर एट्याकमा गोल गर्ने मौका गुमाउदै १-० को जितमा सिमित रह्यो ।