काठमाडौं, १९ माघ । नेपाली राष्ट्रिय फुटवल टोलीका नवनियुक्त जापानी टेक्निकल डाइरेक्टर तेकेदा चियाकीले आफ्नो जिम्मेवारी सम्हालेका छन् ।
सोमबार नेपाल आइपुगेका टेकिनकल डाइरेक्टर तेकेदा चियाकीले मंगलबारदेखि नै जिम्मेबारी सम्हालेका हुन् ।
जापान फुटवल एशोसियसनको फुटवल विकास परियोजना अनुसार नेपाली टोलीको टेक्निकल डाइरेक्टरको रुपमा जिम्मेवारी सम्हालेका पूर्व जापानिज फुटवलर चियाकीलाई अखिल नेपाल फुटवल संघ (एन्फा)ले एक बर्षसम्मका लागि सम्झौता गरेका थिए ।
२० बर्ष विभिन्न क्लवबाट फुटवल खेलेका चियाकीले पछिल्लो समय प्रशिक्षकको भुमिकामा जापानमा ए डिभिजन क्लवहरुमा कार्यरत थिए । आसन्न साग गेम्सको फुटवलतर्फ महिला र पुरुष दुवै टोलीको खेल हेर्न उनी भारत लागेका छन् ।
