एडिडासले ल्यायो अर्जेन्टिनासहित ६ राष्ट्रको जर्सी

काठमाडौं (हाम्रो खेलकुद) – रसियामा केहि दिनमा सुरु हुने विश्व कप फुटबलले विश्वभरका फुटबलप्रेमीको ध्यान तानिसकेको छ । आफुले समर्थन गर्ने राष्ट्रिय टोलीको जर्सीको जोहोमा समर्थकहरु जुटिसकेका छन् । नेपालमा पनि विश्व कपमा अलग अलग राष्ट्रलाई समर्थन गर्ने परम्परा रहँदै आएको छ ।

त्यसमध्ये नेपालमा अर्जेन्टिनालाई समर्थन गर्नेको संख्या उल्लेख रहेको विश्वास गरिन्छ । समर्थकको चाहनालाई मध्यनजर गर्दै नेपालका लागि एडिडासको आधिकारिक विक्रेता रुट्स फेसनले विश्व कप नजिकिदै गर्दा विश्व कपका सहभागी टोलीको जर्सी विक्रीमा राखेको छ ।

एडिडासले उत्पादन गर्ने जर्सी प्रयोग गर्दै आएका जर्मनी, अर्जेन्टिना, स्पेन, रसिया, जापान, मेक्सिकोको जर्सी विक्रीका लागि राखिएको रुट्सका मेनेजर जितेन्द्र महर्जनले हाम्रो खेलकुदलाई जानकारी दिए ।

सन् २०१४ को विश्व कपको विजेता र फाइनल पुगेको अर्जेन्टिना दुवै टोलीले एडिडासले उत्पादन गरेको जर्सी प्रयोग गर्दै आएका छन् । पछिल्लो विश्व कपमा अर्जेन्टिना जर्मनीसँग १–० ले पराजित गरेको छ ।

दरबारमार्गमा रहेको रुट्स फेसनले एडिसास स्वरुममा ६ राष्ट्रको जर्सी खरिद गर्दा २० प्रतिशत छुट पनि दिएको मेनेजर महर्जनले बताए ।