ललित स्मृतिमा आर्मीको लगातार दोस्रो जित

काठमाडौं (हाम्रो खेलकुद)– त्रिभुवन आर्मी क्लबले राजधानीमा जारी तेस्रो ललित स्मृति यु १८ फुटबल प्रतियोगितामा लगातार दोस्रो जित हासिल गरेको छ । आर्मीले बिहीबार जगदम्बा लुम्बिनीलाई ४–० ले हराएको हो । साविक विजेता समेत रहेको आर्मीले सरस्वती क्लबमाथि पनि ४–० कै जित हासिल गरेको थियो ।

तस्बिरहरु- विवेक सुवेदी/हाम्रो खेलकुद

सातदोबाटोस्थित एन्फा कम्लेक्सको एस्ट्रो टर्फमा आर्मीको सिनियर टोलीबाट समेत खेलिसकेको दिनेश हेन्जनको गोलबाट आर्मीले २७ औं मिनेटमा अग्रता लिदएको थियो । सावन लामाले ४४ औं मिनेटमा गोल गरे । रोशन तिमलिस्नाले ७५ औं र दीपेन्द्र आलेमगरले इन्जुरी समय गोल गरेपछि आर्मीले सहज जित हासिल गरेको थियो ।

लिगकम नकआउटका आधारमा हुने प्रतियोगिताको हरेक समूहका शीर्ष दुई टोली क्वार्टरफाइनलमा प्रवेश गर्नेछन् । ्असार २१ गतेसम्म चल्नेछ । प्रतियोगिताको विजेताले ३ लाख रुपैया प्राप्त गर्नेछ । दोस्रो हुनेले १ लाख ५० हजार पाउने एन्फाले जनाएको छ । यस्तै व्यक्तिगत विधातर्फ स्ट्राइकर, मिडफिल्ड, डिफेन्डर, गोलरक्षक र प्रशिक्षकले समान १० हजार प्राप्त गर्नेछन् ।