नेपाल र भारत खेल्दै

काठमाडौँ, २७ माघ
सेमिफाइनलको यात्रा तय गरिसकेको नेपाल र बंगलादेश दक्षिण एसियाली खेलकुद ९साग० प्रतियोगिताअन्तर्गत पुरुष फुटबल प्रतियोगिताको समूह चरणको अन्तिम खेल खेल्दैछ ।

भारतको गुहावटीमा हुने खेल जित्दै नेपाल समूह विजेता बन्ने अभियानमा हुनेछ । नेपालले यसअघि भुटानलाई ५–० गोलअन्तरले पराजित गर्दै सेमिफाइनलको यात्रा तय गरिसकेको छ । भुटान र बङ्गलादेशबीचको खेल १÷१ गोलको बराबरीमा सकिएपछि नेपालले सेमिफाइनलको यात्रा एक खेल अगावै तय गरेको हो ।
नेपाली टोलीका मुख्य प्रशिक्षक राजुकाजी शाक्यले समूह चरणमा भुटानविरुद्ध भएका गल्तीलाई बंगलादेशविरुद्धको खेलमा सुधार्ने बताएका छन् ।
समूह विजेता बने नेपालले सेमिफाइनलमा भारतको तथा उपविजेता बने माल्दिभ्सको सामना गर्नेछ ।

यस्तै सिलोङमा नेपाली महिला टिमले बलियो भारतको सामना गर्दैछ । लगातार दोस्रो जित निकालेको नेपाल तेस्रो जितको खोजीमा हुनेछ ।
टिमका प्रशिक्षक धु्रव केसीले भारतविरुद्ध पनि उत्कृष्ट खेल पस्कने बताएका छन् ।