6 years ago
August 4, 2018
बार्सिलोना (एजेन्सी) – बायर्न म्युनिखका चिलियन मिडफिल्डर अर्टुरो भिडाल बार्सिलोना जाने पक्का भएको छ । यद्दपी दुई क्लबबीच कतिमा सम्झौता भएको भन्ने खुलाइएको छैन । उनले बार्सिलोनासँग तीन वर्षको सम्झौता गर्ने बताइएको छ । ३१ वर्षे भिडालले केहि दिनमा ला लिगा च्याम्पियन टोलीका लागि स्वास्थ्य परिक्षण गराउने बताइएको छ ।
उनी सन् २०१५ मा युभेन्ट्सबाट बार्यन पुगेका थिए । बायर्नमा उनले लगातार तीन सिजन बुन्डेस लिग उपाधि जितेका थिए । बार्साले सामाजिक सञ्जालमार्फत छिट्टै खेलाडीको आगमन र सार्वजनिक गर्ने विषयमा जानकारी दिने उल्लेख गरेको छ ।
बायर्नले पनि सामाजिक सञ्जालमार्फत भिडाल बार्सिलोना जान लागेको जनाएको छ । ‘क्लबमा पुर्याएको योगदानका लागि हामी भिडाललाई धन्यवाद दिन चाहन्छौ. र स्पेनमा उनको उज्जवल भविष्यको कामना गर्दछौं,’ सामाजिक सञ्जालमार्फत क्लबका प्रमुख कार्यकारी कार्ल हिन्ज रुमिनिजीले भनेका छन्, ‘उनी जहिले पनि महत्वपूर्ण र भरगर्न लायक खेलाडी रहे ।’
बार्यनमा तीन बर्षको दौरान एक जर्मन कप र दुई जर्मन सुपर कप जितेका भिडालले क्लबलाई धन्यवाद दिदै बार्सिलोनामा नयाँ चुनौतिका लागि आफु तयार रहेको बताएका छन् । २०११ मा बायर लिभरकुसेनबाट युभेन्ट्स पुगेका उनले चार बर्षमा चार पटक सिरी–ए जिताउन महत्वपुर्ण भुमिका खेलेका थिए । चिलीका लागि १ सय क्याप जितिसकेका भिडालले २०१५ को कोपा अमेरिका जिताउन महत्वपूर्ण भूमिका निर्वाह गरेका थिए ।
May 6, 2024
काठमाडौं (हाम्रो खेलकुद)- एनआइसी एसिया बैंकले राष्ट्रिय महिला फुटबल तथा त्रिभुवन आर्मी क्लबकी गोलकिपर अन्जना रानामगरलाई आफ्नो ब्राण्ड प्रमोटर नियुक्त गरेको छ। गत वर्ष फागुनमा साउदी अरबमा भएको वाफ च्याम्पियनसिपमा दोस्रो भएको नेपाली राष्ट्रिय महिला टोलीको सम्मानमा बैंकले सोमबार आयोजना कार्यक्रमकै दौरान अन्जनालाई ब्राण्ड प्रमोटरको रुपमा घोषणा गरेको हो।
May 6, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने भएको छ । एसियाली फुटबल महासंघ (एएफसी) ले गत साता गरेको रंगशाला निरीक्षणपछि रंगशालाको विभिन्न पक्षमा प्रश्न उठाएको हो । एन्फा महासचिव किरण राईका अनुसार रंगशालाको मैदानको पिच, फ्लड लाइट र सुरक्षा सम्बन्धि विषयमा एएफसीले गम्भीर […]
May 6, 2024
काठमाडौं (हाम्रो खेलकुद)– एभरग्रिन कन्स्ट्रकसन एन्ड कन्स्लटेन्सी प्रालिले राष्ट्रिय फुटबल टोली तथा एपिएफकी फरवार्ड सविता रानामगरलाई नगदले पुरस्कृत गरेको छ । प्रालिका अध्यक्ष अभिषेक कोइराला र मेनेनजर स्रदिप प्रधानले सोमबार सवितालाई चेक हस्तान्तरण गरेका थिए । साउदी अरबमा फागुनमा भएको वाफ च्याम्पियनसिपमा उच्च प्रदर्शन गरेकामा भन्दै प्रालिले उनलाई नगदले पुरस्कृत गरेको हो । जोर्डनसँगको फाइनलमा […]