आर्सनलका रक्षक कोलासिनाक कम्तीमा ८ साता मैदान बाहिर

लन्डन (एजेन्सी) – आर्सनलका रक्षक सिड कोलासिनाकले चोटका कारण कम्तिमा आठ देखि १० हप्ता मैदान बाहिर रहनुपर्ने भएको छ । उनले प्रिमियर लिगका आठ खेल गुमाउन सक्ने अनुमान गरिएको छ ।

प्रिमियिर लिग टोली चेल्सीसँग बुधबार भएको इन्टरनेसल च्याम्पियन्स कप मैत्रीपूर्ण खेलका दौरान २५ वर्षे कोलासिनाकको बायाँ घुँडामा चोट लागेको थियो । बोसनिया हार्जगोभिनाकाका फुल ब्याटक उनी भिक्टर मुसासँग ठोक्किदा चोट ग्रस्त भएका थिए ।

साल्केका पूर्व खेलाडी कोलासिनाले युरोपा लिगका समूह चरणका २ र काराबाओ कपकाको तेस्रो चरणको खेल गुमाउन सक्ने अनुमान गरिएको छ । यसैबीच, पिडौंलाको चोटका कारण आराम गरिरहेका वेल्सका मिडफिल्डर आरोन रामसे अर्को साताबाट प्रशिक्षणमा फर्कने अपेक्षा गरिएको छ ।