6 years ago
August 5, 2018
डब्लिन (एजेन्सी) – इंग्लिस क्लब लिभरपुलले मैत्रीपूर्ण खेलमा इटालियन क्लब नपोलीमाथि फराकिलो जित निकालेको छ । शनिबार राति डब्लिनमा भएको खेलमा लिभरपुलले नपोलीमाथि ५–० को फराकिलो जित दर्ता गरेको हो ।
लिभरपुललाई जिताउन जेम्स मिल्नर, जर्जिन्हो विज्नाल्डम, मोहमद सलाह, ड्यानियल स्टुरेज र अल्बर्टो मोरेनोले समान एक गोल गरे । एकपक्षीय बनेको खेलमा लिभरपुलले खेलको शुरुबाटै गोल गर्न शुरु गरेको थियो । चौथो मिनेटमा मिल्नरले गोल गर्दै लिभरपुललाई सुरुवाती अग्रता दिलाए ।
नवौं मिनेटमा विज्नाल्डमले गोल गरेपछि लिभरपुल पहिलो हाफमा २–० ले अघि बढेको थियो । दोस्रो हाफमा लिभरपुलले थप तीन गोल गर्न सफल भयो । ५८ औं मिनेटमा सलाहले गोल गरेपछि लिभरपुलले खेलमा ३–० को अग्रता दिलाए ।
लिभरपुलको गोल गर्ने क्रम अझै रोकिएन । ७३ औं मिनेटमा स्टुरेज र ७७ औं मिनेटमा मोरेनोले गोल गर्दै लिभरपुललाई ५–० को फराकिलो जित दिलाए । लिभरपुल प्रिमियर लिग तथा नपोली सिरी ‘ए’ को तयारीमा छ ।
May 6, 2024
काठमाडौं (हाम्रो खेलकुद)- एनआइसी एसिया बैंकले राष्ट्रिय महिला फुटबल तथा त्रिभुवन आर्मी क्लबकी गोलकिपर अन्जना रानामगरलाई आफ्नो ब्राण्ड प्रमोटर नियुक्त गरेको छ। गत वर्ष फागुनमा साउदी अरबमा भएको वाफ च्याम्पियनसिपमा दोस्रो भएको नेपाली राष्ट्रिय महिला टोलीको सम्मानमा बैंकले सोमबार आयोजना कार्यक्रमकै दौरान अन्जनालाई ब्राण्ड प्रमोटरको रुपमा घोषणा गरेको हो।
May 6, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने भएको छ । एसियाली फुटबल महासंघ (एएफसी) ले गत साता गरेको रंगशाला निरीक्षणपछि रंगशालाको विभिन्न पक्षमा प्रश्न उठाएको हो । एन्फा महासचिव किरण राईका अनुसार रंगशालाको मैदानको पिच, फ्लड लाइट र सुरक्षा सम्बन्धि विषयमा एएफसीले गम्भीर […]
May 6, 2024
काठमाडौं (हाम्रो खेलकुद)– एभरग्रिन कन्स्ट्रकसन एन्ड कन्स्लटेन्सी प्रालिले राष्ट्रिय फुटबल टोली तथा एपिएफकी फरवार्ड सविता रानामगरलाई नगदले पुरस्कृत गरेको छ । प्रालिका अध्यक्ष अभिषेक कोइराला र मेनेनजर स्रदिप प्रधानले सोमबार सवितालाई चेक हस्तान्तरण गरेका थिए । साउदी अरबमा फागुनमा भएको वाफ च्याम्पियनसिपमा उच्च प्रदर्शन गरेकामा भन्दै प्रालिले उनलाई नगदले पुरस्कृत गरेको हो । जोर्डनसँगको फाइनलमा […]
