१२औं दक्षिण एसियाली खेलकुद (साग) अन्तर्गत फुटबलमा नेपाललाई स्वर्ण पदक जिताउन सफल भएको टोलीका दुइ सदस्य भारतमै फुटबल खेल्ने भएका छन्|
डिफेन्डर अनन्त तामाङ्ग र फरवार्ड अन्जन बिस्ट भारतबाटै सिक्किम तर्फ लागेका छन्| हिजो भएको स्वागत र्यालीमा पनि सहभागी हुन नसकेका खेलाडीहरु गान्तोकको सिक्किम हिमालयन स्पोर्टिंग क्लबमा ट्रयालमा खेल्न गएको बुझिएको छ|
अन्जन र अनन्त साफ यु-१९ विजेता टोली र बंगबंधु गोल्डकप विजेता टोलीमा पनि महत्वपूर्ण भूमिका खेलेका थिए|
विगतमा पनि गणेश खड्का, योगेश गुरुङ जस्ता नेपाली खेलाडीहरु खेलिसकेको क्लब सिक्किम हाल आई-लिग को दोश्रो डिभिजनमा छ|
