बिराटनगरको सहिद मैदानमा सम्पन्न बिराट गोल्ड कप मा झापा ११ लाई १-० ले हराउदै नेपाल पुलिस क्लब उपाधि जित्न सफल भएको छ|
दोस्रो हाफमा बिमल घर्ती मगरको स्थानमा मैदान प्रवेश गरेका भरत शाह्को ८७औ मिनेटको गोल खेलको निर्णायक गोल साबित भयो । झापाले भने धेरै प्रयास गर्दा पनि गोल गर्न सकेन । कर्ण लिम्बुको तीन वटा प्रयास पोस्टको बारमा लागेर फर्कियो ।
फाइनलमा उत्कृष्ट प्रदर्शन गरेका भोला सिल्वाल म्यान ओफ द म्याच घोसित भए ।
त्यसै गरि पुलिसका गोल किपर विशाल श्रेष्ठ प्रतियोगिता को उत्कृष्ट किपर रहे , झापाका देवेन्द्र तामङ उत्कृष्ट डिफेन्डर , झापाका योगेस गुरुङ उत्कृष्ट मिड्फिल्डर र झापाका कर्ण लिम्बू उत्कृष्ट स्ट्राइकर घोसित भए| त्यस्तै नेपाल पुलिसका डिफेन्डर सुमन सुवेदी प्रतियोगिताको सर्वकृस्ट खेलाडी घोसित भए ।
