6 years ago
September 21, 2018
काठमाडौं (हाम्रो खेलकुद)– क्लबका केहि पदाधिकारीको अपमान सहन नसकेर लक्ष्मी हुन्डाई मनाङ मस्र्याङ्दी क्लबसँगको लामो यात्राको अन्त्य गर्नुपरेको पूर्व कप्तान अनिल गुरुङले खुलासा गरेका छन् । पटक पटक गरि झन्डै एक दशकको लामो सहकार्य बुधबारबाट औपचारिक रुपमा अन्त्य गरेका अनिल बिहीबार अर्को चर्चित क्लब रुस्लान थ्री स्टार क्लबमा आबद्ध भएका थिए । थ्री स्टारमा उनी […]
काठमाडौं (हाम्रो खेलकुद)– क्लबका केहि पदाधिकारीको अपमान सहन नसकेर लक्ष्मी हुन्डाई मनाङ मस्र्याङ्दी क्लबसँगको लामो यात्राको अन्त्य गर्नुपरेको पूर्व कप्तान अनिल गुरुङले खुलासा गरेका छन् । पटक पटक गरि झन्डै एक दशकको लामो सहकार्य बुधबारबाट औपचारिक रुपमा अन्त्य गरेका अनिल बिहीबार अर्को चर्चित क्लब रुस्लान थ्री स्टार क्लबमा आबद्ध भएका थिए । थ्री स्टारमा उनी १३ वर्षपछि फर्केका हुन् ।
सन् २०१० मा दोस्रो पटक मनाङमा आबद्ध भएपनि खेल जीवनको अन्त्य त्यहि क्लबबाट गर्ने घोषणा गरेका थिए । तर, पछिल्लो समय क्लबका सिमित पदाधिकारीले गरेको अपमानका कारण त्यहाँ बस्नु ठिक नलागेको बताएका छन् । ‘म सानै देखि मनाङको समर्थक रहेको थिएँ । पछि त्यहि क्लबमा खेल्नु मेरो लागि सपना पुरा भए बराबर हो,’ उनले भने, ‘मैले त्यहाँ रहँदा सबै उपाधि जितेपछि खुसी पनि लागेको छ । तर , पछिल्लो समय केहि पदाधिकारीले गरेको व्यवहार र अपमानका कारण त्यहाँ बस्नु उचित लागेन ।’
उनले आफु कप्तान रहँदैको अवस्थामा क्लबका महासचिव मुखिया लामा र अखिल नेपाल फुटबल संघ (एन्फा) का केन्द्रिय सदस्य रहेका विजय घलेको व्यवहार निकै दुःख लाग्दो रहेको समेत बताएका छन् । ‘खेल र खेलाडीका बारेमा छलफल गर्दा मलाई नराखेकोले म त छक्क परे, उनले स्मरण गरे, ‘कप्तान भएको नाताले मसँग छलफल हुुनुपर्ने भन्दा मलाई झन्डै हात हाल्ने सम्मको अवस्था बन्यो । जसले मैले आसु थाम्न सकिन ।’ उनले गत वर्ष चितवनमा भएको प्रतियोगितामा खेलेयता मनाङबाट खेलेका छैनन् ।’
आफूमाथि भएको अपमानलाई क्लबका अर्को खेलाडी सुजल श्रेष्ठलगायत अन्यले प्रतिवाद गरेको र सबैले आफुलाई सहयोग गरेको स्मरण गर्दै अनिलले भने, ‘पछि उनीहरुले (पदाधिकारी) पनि मसँग माफी मागे । म यति लामो समय फुटबल खेलेको एउटा सिनियर खेलाडीलाई त त्यो व्यवाहार हुन्छ भने अरुलाई के होला । यस्तो अपमानमा बस्न सकिन्न , बस्नु हुन्न भन्ने निर्णयमा पुगें ।’
उनले दोस्रो पटक थ्री स्टारसँग जोडिन पाएको खुसी व्यक्त गरे । ‘थ्री स्टारको सम्मान प्रति आभार व्यक्त गर्दछु । मलाई थ्री स्टारले पहिला देखि नै प्रस्ताव गरेको थियो । तर म त्यति बेला आउन सकिन,’ उनले भने, ‘अहिले पनि मलाई क्लबले बोलायो । मलाई साह्रै खुसी लागेको छ । म आफ्नो तर्फबाट क्लबलाई सफल बनाउन प्रयास गर्नेछु ।’
पहिला देखिनै आफुलाई समर्थन गर्दै आएका समर्थकलाई अझै साथ दिन हुन आग्रह समेत गरेका छन् । म आउने दिनमा पनि तपाईहरुका बीचमा हुने छु । जति सक्छु यहि खेल्नु र सम्भवतः यहिबाट आफ्नो खेल जीवनको अन्त्य गर्नेछु । उनले सक्रिय खेल जीवनपछि फुटबल व्यवस्थापनमा जाने योजना सुनाए । ‘अहिले यहि भन्न त सक्दिन । तर फुटबलबाट टाढा हुन्न,’ उनले अन्त्यमा भने, ‘मलाई व्यवस्थापनमा केहि अनुभव पनि छ । सायद त्यसैलाई अघि बढाउने प्रयास गर्नेछु ।’
भिडियो हेर्नुहोस् :
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]